نفت الفنانة هاجر الشرنوبى، الأنباء التى ترددت مؤخرا حول إصابتها بورم فى عينها، مؤكدة أنه لا يوجد لديها أى أورام أو فيروسات، وأنها مصابة فقط بأكياس دهنية فى منطقة العين، سوف تستغرق وقتا من العلاج وإذا لم يتحسن سيكون بالجراحة فقط.
وكتبت هاجر، عبر حسابها على فيس بوك: "مساء الخير.. أنا مخنوقة جدا من الأخبار اللى عماله أسمعها فى كل حته، أنا معنديش ورم فى عنيا لا قدر الله ولا عندى فيروس ولا نزلت أخبار بقول فيها أنا اتحسدت".
وأوضحت هاجر: "كل الموضوع انى عندى اكتر من كيس دهنى وعددهم خمسة فى منطقة العين يمكن عشان الرقم فبيجودوا، أنا تمام باخد علاج وبصور عادى ومستنية لو العلاج ماجبش نتيجة هعمل جراحة وهيتشالوا فى عشر دقايق بإذن الله".
وأضافت هاجر: "الحاجة التانية إنى مع الأسف نزلت أصور وأنا لسه متطعمه فتعبت جدا نتيجة لأعراض اللقاح، لكن أكيد لو عندى أى حاجه تانيه مش هنزل وسط الناس، وآخر حاجة بقى ادعولى أخف من غير عملية عشان أنا جبانه جدا".
هاجر الشرنوبى
ويعرض حاليا للفنانة هاجر الشرنوبى، مسلسل "نقل عام" مع النجم محمود حميدة، الذى يتم عرضه حالياً على قناة ON، وهو من تأليف وليد خيرى وإخراج عادل أديب، بطولة محمود حميدة، سوسن بدر، سميحة أيوب، أحمد بدير، دينا، ميرهان حسين، محمد محمود عبد العزيز، محسن محيى الدين، إيمان أيوب، عابد عنانى، نهلة سلامة، هايدى رفعت، نور خالد النبوى، هاجر الشرنوبى، أميرة أديب، محمد الصاوى وعدد كبير من الفنانين، وتدور أحداثه فى 30 حلقة.
تم أضافة تعليقك سوف يظهر بعد المراجعة