علق الإعلامي عمرو أديب، على حرص الرئيس عبد الفتاح السيسي على الاطمئنان على الفنان سمير صبري، وقراره بعلاجه على نفقه الدولة، وقال: "خلصت المكالمة معايا، وبعدها بأربع دقائق، كان هناك تواصل من رئاسة الجمهورية المصرية مع الفنان القدير سمير صبري، عاوز إيه وناقصك إيه ونقدر نعملك إيه، لا تقلق الرئاسة المصرية متمثلة في شخص الرئيس، تقدم كل الدعم والتقدير لك".
وقال أديب خلال برنامج الحكاية الذي يذاع على قناة "MBC مصر": "أرادت الرئاسة المصرية توجه ويكون في تحرك سريع، والقائم بأعمال وزير الصحة فورا اتحرك واتصرف ووفر كل شيء يحتاجه الفنان القدير سمير صبري، وطبعا كل حاجة بأمر الله، وإن شاء الله يتم الشفاء".
وقال: "العملية ليست بسيطة وتحتاج الكثير من الاستعدادات والأدوات، وحضراتكم تعلموا إن في مستشفيات عظيمة في مصر، سواء قطاع عام أو خاص، وسمير صبري ده لم يترك أحد".
وتابع: "سمير صبري بيتكلم على 60 سنة، ده راجل بتاع الزمن الجميل، دول اللي نحتوا في الصخر، وتعبوا وسافروا ووقفوا جنب بلدهم وقت النكسة ووقت حرب 1973 والأزمات اللي فيها البلد، الرئاسة انلهاردة بتدينا درس اسمه الوفاء".
تم أضافة تعليقك سوف يظهر بعد المراجعة