قال الإعلامى عمرو أديب، إن الانطباع الأول لديه هو الذهول والدهشة، وإنه حتى الآن هناك غزو "بلد تغزو بلد"، موضحا: "احنا شوفنا كل حاجة، ودا تالت غزو نشوفه، وكمواطن مش قادر أفهم في العصر اللي احنا فيه يعني ايه فيه دولة تقرر تغزو دولة تانية، ومش بس كده بوتين قرر يغير النظام في الدولة دي".
وأضاف أديب خلال تقديمه برنامج "الحكاية": "العالم كله في ذهول، مواطن في دولة آمنة مطمئنة وفجأة يبقى لاجئ، توقف على حدود رومانيا والمجر، وهذا أشاهده في حالة ألم وذهول"، متسائلا: "ازاي أوروبا والأمريكان سابوا الرجل ده في الطل، وتتساب أوكرانيا كده، وهذا التخلي مذهل، رئيس أوكرانيا شجاع، وشعب شجاع".
وأوضح أديب، : "العالم تدوس على زرار التانية تصّوت، يعني قالوا هنطلع روسيا من نظام السويفت، وقالت الإدارة الألمانية أن هناك ولايات رفضت العقوبات على روسيا، وهو اللي بنقوله من سنين، يعني أن الزيت لما يغلى في البرازيل سندوتش الطعمية يغلى في مصر، وهو دا اللي بيحصل".
وتابع أديب: "كبير العالم دلوقتي اسمه الصين، واوعى تكلمني عن أمريكا"، مردفا:"اليومين دول فرصة للي عاوز يعمل أي حاجة، العالم لايص ومحدش فاضي لحد، فلو عايز أي حد يعمل أي حاجة، هم اليومين دول".
تم أضافة تعليقك سوف يظهر بعد المراجعة