طالبت المحامية نهاد أبو القمصان بالقبض على عريس الإسماعيلية قائلة: "إحنا قدام مجموعة من الجرائم ومش عارفة لية متقبضش عليه.. هى تسامح ماشى، لكن قيم الأسرة المصرية فين! ده فضحنا دوليا ومحليًا.. وممكن يتحاسب بالمادة 25 من قانون جرائم الإنترنت".
وتساءلت فى مداخلة هاتفية خلال برنامج " كلمة أخيرة " الذى تقدمه الإعلامية لميس الحديدى على شاشة " ONقائلة: "لما البنات بتوع التيك توك طلعوا رقصوا قفشوهم لية! هى قيم الأسرة اتخضت أوى ومنامتش الليل عشان بنت رقصت على التيك توك، وهذا لم يحدث فى واقعة ضرب عروس الإسماعيلية".
واصلت: "وزارة التضامن عندها مكان لاستضافة السيدات المعنفات، ولكن معندناش غير 8 بيوت استضافة، ومحتاجين زيادة، وتعاون مع وزارة الداخلية."
ووجهت رسالة للفتيات قائلة: "الست اللى تضرب ممكن تكلم المجلس القومى للمرأة أو الشرطة.
ووجهت رسالة للرجال الذين ميارسون العنف قائلة: "الراجل الضعيف الفاشل هو اللى يمد إيده على مراته.. ولو عارف إنه لما هيمد إيده هى هتضربه أو أهلها هيطحنوه مش هيمد إيده.. وهو بيمد إيده عشان هى أضعف منه... برنس الليالى ضراب النساء ده ميعرفش يضرب شوال خيار فى السوق.. لأنه لو ضرب شوال الخيار هيبوظ منه كام كيلو وهيدفع تمنهم.. لكن هو فش غله فى البت الغلبانة."
أتمت: "مفيش راجل محترم يعمل كدة، ولازم يتقبض عليه وده لو راجل قبل مراته فى الشارع بتتعمله قضية وده لازم يتعالج ويتأهل لأنه مش عارف يسيطر على غضبه".
تم أضافة تعليقك سوف يظهر بعد المراجعة