قصة حب المطربة ميادة توفيق والشاعر أيمن عادل و"إزاى اتقابلوا وحبوا بعض"

ناقش برنامج السفيرة عزيز المذاع على قناة دى إم سى قصة حب المطربة ميادة توفيق والشاعر الغنائى أيمن عادل و"إزاى اتقابلوا وحبوا بعض".

وقالت المطربة ميادة توفيق: "كانت مقابلة سطحية، وكان حب من أول نظرة، فى الفترة دى فيه ناس كتير متقدم لى ولكن هو أيمن بالتحديد دخل قلبى من أول مرة، والتفاهم ما بين أهم شيء فى العلاقة وفى عيد الحب جاب لى حاجات حلوة كتير وبوكس كبير فيه حاجات كتيرة بحبها، ومن أقصر الطرق للزوج معدته".

وأضافت: "وأهم حاجة خطوة حصلت لى واستفدت منها كتير كنت فى ستوديو الممثل مع الفنان محمد صبحى وفضلت معاه 3 سنين وأفدنى كتير الحقيقة فى مجال شغلى".

من جانبه قال الشاعر الغنائى أيمن عادل: "أول ما قابلتها كان هناك حب من أول نظرة لها، وأحسن حاجة أن العلاقة بدأت كصداقة حقيقية، ثم بعد كده لقينا نفسنا مبسوطين قوى من الصداقة، وقويناها وارتبطنا بعيد عن الفن خالص، وكانت أسرع قوى، ومن أنجح العلاقات أن اللى ما بينهم صداقة بيتجوزوا، فى عيد الحب جابت لى أكلة حلوة جدا بط وكل ما لذ وطاب، والولاد عامة مش بتكون منتظرة هدية فى عيد الحب أهم حاجة الأكلة الحلوة".