قالت الإعلامية شافكي المنيري، إن جماعة الإخوان الإرهابية لا تتوقف عن الكذب والخداع للشعب المصري، مشيرة إلى أنها بدأت في بث فيديوهات قديمة ومفبركة ومزيفة لمظاهرات مزعومة في منطقة شبرا، زعموا أنها حديثة، وتأتي في إطار الاستجابة لأجندة تخريبية للتحريض ضد الدولة المصرية.
وأضافت خلال برنامج "التاسعة" الذي يذاع على القناة الأولى المصرية: "طبعا لو شوفت الصور وتشوف كل ده تعرف الفبركة شكلها عامل إزاي، الإخوان مع هذا النجاح الموجود في شرم الشيخ ووقوف الدولة المصرية بهذا الثبات والمشروعات وإننا عدينا سنين بنحارب الإرهاب وبنحارب هذه الجماعة ليل ونهار وفي كل مكان وبنحاربها طول الوقت بالعمل".
وقالت: "زي ما أنتوا شايفين دي صور مفبركة قديمة، وهي متفبركة وهي قديمة، بيذيعوها دلوقتي كأنها حديثة وهي صور ليس لها أي أساس من الصحة، عدد من الصور المزيفة المفبركة، الكدب والتضليل على أنها صور ومظاهرات موجودة في شبرا، لا دي شبرا دول رجالة، دول شعب وناس رجالة، لكن زي ما أنتم شايفين جماعة الإخوان ومش جديد علينا كل اللي بيقولوه، سواء كانت صور مفبركة أو كدب وخداع".
وتابعت: "هنفضل نشوف ده، والشعب نفسه بدأ يكدب ده ويضحك، أنتم عارفين الشعب المصري دايما دمه خفيف، لما بيشوف حاجة، كلنا عشنا فنفس المشاكل، فأي وصور هتنزل فيها كدب، الشعب المصري نفسه هيقول بطل كدب وبطل خداع".
تم أضافة تعليقك سوف يظهر بعد المراجعة