الرئيس السيسى يفتتح مصنع الرمال السوداء فى كفر الشيخ

الأربعاء، 19 أكتوبر 2022 06:15 م

الرئيس السيسى يفتتح مصنع الرمال السوداء

اضف تعليقاً واقرأ تعليقات القراء

افتتح الرئيس عبد الفتاح السيسي صباح اليوم، الأربعاء، مصنع الرمال السوداء بمدينة البرلس بمحافظة كفر الشيخ، وعلق الرئيس السيسى، على كلمة الدكتور حامد ميرة رئيس هيئة المواد النووية، قائلا: "عاوزين نوضح للناس فى مصر نعرف الحكاية دي.. بدأت أمتى كتاريخ.. لفهم واكتشاف الموضوع ده فى مصر.. يعنى عاوز أقول كان من 80 و90 سنة.. وعاوز أقول لما اتكلمنا فى الموضوع ده من 5 سنين.. محدش كتير شجعنا كفكرة".

وأضاف الرئيس السيسى: "دراسات الجدوى للمشروع خدت 3 سنين.. ومين هيدفع تمن حاجة زى كده.. بقول الكلام ده للمصريين.. بعد ما عملنا الفكرة دى وخدنا المسار ده.. اشرح للناس يا دكتور حامد.. اشرح للناس علشان يفهموا الموضوع ده أكثر.. يمكن الناس أول مرة تسمع حاجة عن الرمال السوداء".

واستكمل الرئيس السيسي: "لما كنا بنعمل المشروع بتاع الرمال السوداء.. ده سألت سؤال حجم الاحتياطات اللى موجودة هنا تكفى قد ايه وحجم الطلب العالمى عليه قد ايه.. هل فيه فرصة لمشروع و2 و3.. الطلب هو اللى بيتحدد.. وبقول وبسمع للقطاع الخاص.. من أول المشروع ده.. متاح للقطاع الخاص الدخول فيه.. اللى عاوز يتفضل.. وده بقوله فى كل مشروع يتم افتتاحه.. حد يقولى مش قولت له من الأول.. الفرصة دى كانت موجودة على مدار 40 و50 سنة".

طالب الرئيس عبدالفتاح السيسى، القطاع الخاص بالمشاركة فى مشروع الرمال السوداء قائلا: " القطاع الخاص والشركات اللى ابتدت تشغل فيه تقدر تعمل كام مصنع ومجمع زى ده؟.. بتتكلم الكيلو بياخد سنة.. انت بتتكلم فى 400 كيلو من الاحتياطيات..فرضا لو فيه شركة واحدة تقدر تشتغل 400 سنة طيب لو 10 شركات؟..طيب فيه فرصة للشركات تدخل فى الموضوع ده على ضوء المؤكد".