نادية شكري عن سبب انفصالها عن سامي العدل: أنا غيورة جدا وهو كان "شقي"

تحدثت الفنانة نادية شكري عن أسباب انفصالها عن الفنان الكبير الراحل سامي العدل قائلة: "أنا غيورة جدا، وهو كان شقى جدا، واتجوزنا لمدة 4 سنين فقط، وكان طيب بدرجة كبيرة، وكنت بحبه جدا حب غير عادي، وعيلته كلها أهلي، ولحد دلوقتى علاقتنا أكتر من رائعة، وأنا بنتهم وأختهم، وكانوا جنبي في كل حاجة بعد الانفصال، وبنتي خدت من سامي الجدعنة".

وأضافت الفنانة، أثناء حلولها ضيفة على برنامج واحد من الناس، أنها راضية بما حققته خلال مسيرتها الفنية، وأنها لم تشعر بأى ندم خلال مسيرتها الفنية على أي شيء، لأنها راضية جداً".

كما استرجعت الفنانة نادية شكري ذكريات صداقتها مع الفنان الراحل أحمد زكي، أثناء حلولها ضيفة على برنامج واحد من الناس قائلة: "كنا زمايل من أيام المعهد، وده خلق صداقة بينا، ظهرت في حاجات كتير، سواء مسرحية العيال كبرت أو لما جالنا البيت وانا متجوزة سامي العدل، وقالى انا جاي افرح اختي، اني عامل فيلم مهم جدا لازم تشوفيه، وهو فيلم (شفيقة ومتولى)".

وأضافت: "مرة خلال كواليس مسرحية العيال كبرت جه احمد زكي وفجأة وانا بحط ميكب بيكلمني برد عليه عادي قام قايلى انتي مش مهتميه ليه، فضربني بالقلم لدرجة اني عيطت وبكيت جدا، فقالى تصدقى شكلك قمر وانتي معيطة، فضحكت، واحمد كان ليه حاجات كده غريبة".