قال الكابتن ناصر الننى والد اللاعب محمد الننى: "أنا سعيد جدا لأن شعب مصر هينام فرحان، والمنتخب رجالة أثبتوا لمصر إنهم كلهم رجالة وكمان محمد صلاح النهاردة متفوق على نفسه وحالة التفاهم بين تريزيجيه وصلاح النهاردة كان فى انسجام، والرؤية جميلة ومنتصف الملعب النهاردة كانوا عاملين ماتش رائع".
وأضاف خلال مداخلة هاتفية ببرنامج من مصر مع الإعلامى عمرو خليل على قناة سى بى سي: "كلمت الننى بعد المباراة وباركت له وكل مرة بيقولى البطولة بتاعتنا بإذن الله، وقولتله انكم تعبتوا ما تضحوش بالبطولة النهاردة عيطت على أبو جبل لما طلع، دول ولاد مصر اللى عودونا إنهم يبقوا بطال".
وتابع والد اللاعب محمد الننى: "الحكم النهاردة خلى الماتش يمشى كده وكان ممكن يطرد لاعب فى بداية المباراة وكنت خايف انه الحكم يطرد أى حد من فريق مصر وربنا يوفقهم فى ماتش الكاميرون والروح باينة بإذن الله".
