تناول برنامج راجل و2 ستات، المذاع على قناة on، الفضفضة مع الآخرين، حيث تساءل الفنان أحمد صلاح حسنى عبر برنامجه راجل و2 ستات المذاع على قناةon، عن السماح بالفضفضة مع شخص قريب حول سر، له علاقة بحياته الشخصية.
وقال الفنان أحمد صلاح حسنى: "لو الراجل عنده مشكلة، ولو اتكلم تقول له زوجته متتكلمش فيها، والستات بيكتموا أكتر عن الرجالة".
وقالت الإعلامية شريهان أبو الحسن: لو المشكلة تخص الشخص لوحده ومفيش طرف تانى ده مش سر، ولو فيه سر ما بين الراجل وزوجته، ولو عن مشاعرها دون الخوض فى تفاصيل تخص زوجها، والحديث عن المشاعر ليس خيانة للسر، الراجل مش عاوز صحبتها تشوف تفاصيل الحياة الخاصة ما بينهم، وشكله يبقى وحش".
وأضافت شريهان أبو الحسن أن هناك دراسة ألمانية أجريت على 13 ألف شخص من 30 لـ 40 عاما، وطرح سؤل عن ما هى التصرفات التى تعكر صفو العلاقة بين الزوجين؟ والرجالة قالت بنضايق مع ميل الزوجة والفضفضة مع صديقتها".
من جانبها قالت الفنانة هيدى كرم عبر برنامجها راجل و2 ستات المذاع على قناة on، :" فكرة أن الشخص يعمل أبلكشين على الموبايل لازم يكون فيه إبداع".
وأضافت : "وجهة نظرى فى البرمجة اليوم بقت كبيرة وأنت ممكن تخترع تطبيق وأعمل برنامج معين ولكن ده عاوز قدر كبير جدا من الإبداع، والخيال، والبرمجة تدخل فى البليستيشن، وقدر ابداع المبرمجين فى التطبيقات، بتحل مشاكل المصورين فى المونتاج".
وفى سياق أخر، قالت كرم: " القاعدة فى بداية الزواج الحفاظ على الأسرار ما بينا واحنا سند لبعض ولكن الواقع والحياة تقول إن الست تصل فى بعض الأحيان الست تحكى لصحبتها من باب انها مخنوقة وتحاول تهدينى، وعندك احساس كست هناك خطوط حمراء".
وقال الفنان أحمد صلاح حسنى:" عشان الإنسان يبقى مستريح لازم يبقى أبيض يا أسود فى إتخاذ القرار"، " كل ما كان اللى بين الراجل والست علاقة قوية ده بيقويها، وبشوف اللى بين الراجل والست كان قوى والعلاقة مقفول عليها واسرارهم عملها ما هتطلع برا ده بيقوى العلاقة، وهنحلها احنا الاثنين، دون الخروج عن الطرفين".
وقالت الإعلامية شريهان أبو الحسن: "لابد أن يكون لكى رأى واضح وقطعى، ولكن تتقبلى أن تحترم الآراء الأخرى، الستات نفسها تفضل العلاقة مترابطة ومفيش حد يدخل ما بينا ولكن لما تطول الفترة لابد من تدخل طرف ثالث لحل أى مشكلة، والست مش بتحكى كل يوم أو سيدة من الشارع ولكن بحكى للأقرب إلى".
وتابعت الفنانة هيدى كرم: "لازم الشخص يبقى محايد بين الأبيض أو الأسود وحاليا ميبقاش حكمة ولازم تطاطى للريح عشان تبقى مستريح، وهناك بعض الأحيان انه مش وقت اتخاذ القرار".
تم أضافة تعليقك سوف يظهر بعد المراجعة