فيسبوك
واتساب
كشفت الفنانة نادية الجندى، سر رشاقتها بعد ظهورها الأخير ونشرها "فوتوسيشن " يبرز رشاقتها قائلة : الفنان لازم يبقى ملتزم وقدام جمهوره قدوة ومايسهرش.
وأضافت فى تصريحات خاصة لتليفزيون اليوم السابع: حب الجمهور إكسير الحياة وأهم شيء فى حياتى وبيدينى الطاقة الإيجابية وسعر سعادتى، وخصوصا إنى بتعب فى شغلى وبلتزم أكون فى كامل لياقتى وخصوصا إنى بعمل أدوار صعبة وأكشن وفيها مجهود وعنف ومش أدوار عادية وبحتاج لياقة بدنية عالية.
وحول لجوئها للوصفات والأعشاب مثل العصير الأخضر وغيرها، قالت: مش بتجه لغير الوصفات الطبيعية ولا بحب أخد أدوية تخسيس وعمرى ما خدتها وبحب الطبيعة والبحر، وكل ما هو طبيعى بحبه.
وتابعت: الحمد لله لما يكون الإنسان عنده قوة إيمان دا شيء كويس بيأثر عليه وعلى شكله، وبيجى بعده الرياضة وحب الجمهور والناس.
