أبرز تصريحات توفيق عبد الحميد لتلفزيون اليوم السابع مع علي الكشوطي

حل الفنان الكبير توفيق عبد الحميد ضيفا أمس الثلاثاء على تلفزيون اليوم السابع مع الزميل علي الكاتب الصحفي علي الكشوطي وإليكم أبرز تصريحات الفنان القدير.

توفيق عبد الحميد في مداخلة مع تلفزيون اليوم السابع

لا أفضل الكلاب عن البشر وموضوع النجاسة ده مفيش نص قرآنى بيقول إن الكلب نجس.

أعاني من الغضروف وأتمنى أتحسن فى أقرب وقت، لأن معروض عليا شغل كتير

مهنتنا شاقة ومتعبة سواء المسرح أو التليفزيون ومقدرش أنزل وأنا تعبان

ربنا جزانى خير بحب الناس وبطلب من ربنا الصحة وراحة البال وحب الناس

علي الكشوطي وتوفيق عبد الحميد 

أى إنسان معرض للحظات اكتئاب ده طبيعي، لكن فى فرق أنك تتعرض للحظة دى وتعرف تتجاوزها، وفى فرق إنها تتحول لمرض، أنا مش متحولة عندى لمرض

محولتش عربيتي لتاكسي ولو حصل مش هنكره مادام بشتغل شغلانة شريفة وفلوس بالحلال

لا أعانى من أزمة مالية، أنا الحمد لله دلوقتى مستورة وزى الفل

علي الكشوطي وتوفيق عبد الحميد 

اتفاجئت بفيديو يزعم خلاف بيني وبين ياسمين صبرى وبستغرب إن الناس عندها قدرة تفتعل قصة بهذه الكيفية بهذه التفاصيل وأنا لم أقابل ياسمين صبرى وجها لوجه في يوم من الأيام