قالت الفنانة هنا الزاهد إنها محظوظة لعملها فى مسلسل "حلوة الدنيا سكر"، مشيرة إلى أنها فى البداية كان هناك العديد من النجوم فى الوسط أكدوا لى أنه من الصعب أن أحصل على دور بطولة في مسلسل أو عمل فني، وأنها شعرت بالصدمة فور عرض المسلسل عليها.
وأضافت هنا الزاهد خلال لقائها الإعلامية منى الشاذلي ببرنامج "معكم" الذي يذاع على قناة "cbc": "اتخضيت لما اتعرض عليا المسلسل، وحسيت بتوتر شديد، قعدت فترة باتدرب على تتر المسلسل والرقص الموجود فيه، وأنا بحب الرقص لكن مش شاطرة فيه، ولما بروح مكان بحب أرقص مع الموسيقى".
وقالت: "المسلسل كان به 8 قصص، كلهم بحبهم ولكن أكثرهم واللي بعشقها هي شخصية المتخصصة وقايمة فيها بدور هنادي، لأنها عكس شخصيتي، كانت كدابة وضميرها ميت، ولما اندمجت في الدور ضربت سلطان بالقلم بجد، وكنت مستمتعة وأنا بقوم بالدور ده جدا".
وتابعت: "سحر وشعوذة كان هيبقى مسلسل طويل، بس بعد كدة قلنا إنها مجازفة لو عملنا مسلسل طويل بيتكلم عن السعر والشعوذة، وبعدها قررنا إنه يتعمل 5 حلقات ضمن مسلسل حلوة الدنيا سكر، وأنا قعدت 8 شهور بشكر أحمد لأنى مكنتش بشوفه ودي كانت مدة تصوير المسلسل، وكنت دايما قاعدة بذاكر المسلسل في الأوضة وهو كان بيراعي ده جدا، وهو قالى نفسى أطلع معاكى ولو كان مشهد واحد، في أول عمل بطولة ليا".
تم أضافة تعليقك سوف يظهر بعد المراجعة