نموذج مشرف للمرأة المصرية المعيلة، خرجت من بيتها فى سن صغيرة لرعاية أسرتها فقد استطاعت التغلب على ظروفها القاسية، الست "صفية" لها فى اسمها نصيب فهى صافية القلب والروح من رآها اطمئن قلبه ومن طلب مساعدتها أعانته بعد الله عز وجل على الرغم من أنها تحتاج من يعينها.
وتقول "الست صفية"، "أنا سواقة ميكروباص وعندى 65 سنة، وعندى من الأبناء سبعة، جوزت بناتى بالتقسيط لحد ما القسط قطم ضهرى وخلصت اللى عليا بفضل ربنا".
وتابعت: "جوزى تعب ومش بيتحرك وأنا ست أصيلة رفضت اتخلى عنه، ونزلت اشتريت عربية فان بالتقسيط علشان أصرف على البيت لأن أولادى يا دوب كل واحد بيصرف على بيته وبيكفى بيته ورفضت أكون حمل عليهم أنا وأبوهم ربنا يعينهم على اللى هنا فيه".
واستطردت: "نزلت استرزق بالعربية شوفت اللى مشوفتوش فى حياتى سواقين بيضايقونى ولو أنت مش قوى وليك ضهر ياكلوك ويحملوا عليك ومش بيسبونى أحمل".
واستكلمت: "أنا عارفه إنى موقفى مش قانونى أن أحمل من موقف سرفيس والأولوية بتكون للسرفيس، بس أعمل ايه مش لاقيه حل".
تم أضافة تعليقك سوف يظهر بعد المراجعة