تصل سعرها في مصر إلى 90 ألف جنيه، وفى دول الخليج العربى تصل حتى 200 ألف ريال، الماعز الحجازى نوع من أنواع الغنم المهجنة تتميز بالضخامة والأذن الكبيرة، وإنتاجها من الألبان يصل إلى 3 كيلو يوميا، ويباع الكيلو بـ 50 جنيها نظرا لفوائده الغذائية الهائلة، وفى حلقة جديدة من برنامج "فتحى شو"، تقديم محمد فتحى عبد الغفار، نسلط الضوء على بيزنس الماعز وكيف تربح منه.
ويقول أشرف الدولى، مهندس ومربى حيوانات: "النوع ده من الماعز هو الأضخم والأعلى سعرا في مصر، ويطلق عليه الماعز الحجازى لأننا بنجيبه من السعودية، أنا دخلت مصر أنواع كتيرة جدا من الماعز النادر، والماعز الحجازى بيتميز بالفخامة والنزاهة والضخامة وبتديك شكل جمالى وحجم وألوان جميلة".
وأردف: "سعرها يبدلأ من 20 ألف جنيه للصغير فما فوق حتى تصل إلى 90 ألف جنيه، وليها غواة في مصر بيشتروها، والنوع ده بيدخل مسابقات للجمال بره في دول الخليج وبيهتموا بيها جدا، وأغلى معزة بعتها كانت بـ 80 ألف جنيه وبالنسبة للماعز الحجازى كانت بـ50 ألف جنيه والنوع ده بيولد توأم اتنين أو أربعة، وبتولد 3 مرات في السنتين".
وتابع: " الفرق بين الماعز الحجازى والمصرى واضح في الحجم.. الحجازى هنتنج معاك لبن يوميا 3 كيلو وديه من أحسن السلالات إنتاج للألبان علشان كده بنقول عليها ثنائية الغرض".
وأضاف: "الماعز ديه كانت ناتج تهجين أكثر من 5 سالالات وبيوصل الجدى فيها لحد 200 كيلو وطول الودن بيوصل لـ 70 سم وعرض الودن بيوصل 30 سم، والجبنة بتاعتها سعرها بيوصل لـ 500 جنيه، وفى سلالات من الماعز بينتج لحد 7 كيلو في اليوم واللبن ده موجود في الهيبرات الكبيرة وهو أغلى لبن في العالم ".
تم أضافة تعليقك سوف يظهر بعد المراجعة