محمد إيهاب: توقعات الجماهير في الأولمبياد مبالغ فيها.. وما يحدث اغتيال معنوي

تحدث محمد إيهاب، بطل مصر في رفع الأثقال عن نتائج المصريين حتى الآن في دورة الألعاب الأولمبية 2020 المقامة بطوكيو في الوقت الحالي.

وقال إيهاب، في تصريحات تليفزيونية: "هناك فئة كبيرة من اللاعبين مسافرة في الأولمبياد ومالهاش تصنيفات عالمية، وفي لعيبة في طموحات إننا ناخد ميداليات ودول مستنين منهم ميداليات".

وأضاف: "الناس توقعاتها أعلى من المتاح، الي بيحصل ده اغتيال معنوي للاعبين، الخطط موضوعة ومعروف هل اللعبة دي هتنافس ولا لا وفيه لعبات آخرها المشاركة في الدورة الأولمبية".

وتابع: "بننفق فلوس كتير جدًا لكن احنا بنزرع في كل الأراضي، عندك العاب كتير محتاجة الدعم متقدرش تحرمها من المشاركة، لكن في عدد العاب معينة محتاجة تركيز زيادة علشان تاخد ميداليات".

واختتم تصريحاته: "كان ممكن يكون في بطل دلوقتي، ويوصل في فرنسا لميدالية، لكن تعليقات الناس ممكن تغتاله وتمنعه من استكمال مشواره وتخليه يكره الرياضة، اللاعب هيحاسب نفسه قبل ما حد يحاسبه".