كشف المطرب مصطفي شوقي أثناء إستضافته في برنامج لايت شو، المذاع علي قناة الحياة، وتقدمه الإعلامية أميرة عدلي، أن أول أغانيه ملطشة القلوب، كانت بداية الخير عليه، حيث قال: “ملطشة القلوب كانت وش الخير علينا، أستاذ نصر محروس لمحها في البداية ، كلمة ملطشة القلوب لم سمعتها أول مرة كان وقعها عليا زي وقعها عليكي، قولت أيه ده، لكن حصل معايا زي ما حصل معاكي، أنت فضلتي تسمعيها مرة واتنين وثلاثة وأربعة عشان تفهمي القصة أيه، لحد ما أدمنتيها، ده حصل معايا وأنا بسمعها كمطرب هيغنيها، كنت مستغربها جدا ومش فاهم أيه اللي بيحصل”.
وتابع شوقي: “إذا كان ربنا كرمنا، وقدرنا نكون عنصر تواصل بين الشاعر والملحن والمنتج والموزع، وإن أنا كنت حلقة الوصل بينهم وبين الجمهور في إن الأغنية توصل بإحساس كويس والناس تحبها، دي نعمة من عند ربنا بنشكره عليها “.
وأضاف: “ملطشة القلوب خضة مخيفة، ملطشة القلوب مبتتكررش كتير في تاريخ الفنانين، يعني يبقي ليك غنوة كسرت الدنيا مرة واحدة كده شيء حلو أوي، بس مبيتكررش كتير، هتلاقي تاريخ أكبر فنان في مصر، لو عنده 200 او 300 أو 500 أغنية، لو تاريخه أغاني فظيعة، وعديتي الأغاني اللي كسرت الدنيا هتلاقيها تتعد علي صوابع الأيد، هتلاقي في علامات في تاريخ كل مطرب”.
وكانت أخر أغنيات المطرب مصطفى شوقى أغنية "يا سمرا"، من كلمات هشام الجخ وألحان محمود خيامى وتوزيع رامى سمير وهندسة صوت هانى محروس، وقدمها بشكل مختلف نال إعجاب محبيه، وحصدت العديد من المشاهدات عبر موقع يوتيوب،وتصدرت التريند وقت طرحها.
تم أضافة تعليقك سوف يظهر بعد المراجعة