الجدعنة والشهامة من أهم سمات الشخصية المصرية وتتجلى هذه الجدعنة فى المواقف الإنسانية التى ساعدت السوشيال ميديا على إظهارها.
ومن بين هذه المواقف ما كتبته سيدة فى منشور لها بفيس بوك قائلة: أنا معايا 3 أولاد، وعايزة أخدهم بعد العيد يسافروا ويتفسحوا ويصيفوا فى إسكندرية، ومعايا 1000 جنيه، المفروض هتبقى شاملة كل حاجة ممكن نقعد قد إيه ونتفسح إزاى؟.
تفاعل عدد كبير من رواد "فيس بوك" مع منشور السيدة، من خلال تقديم عروض للاستمتاع وتوفير مبلغ الإقامة وتوفير سكن مجهز. العروض وصلت أيضا إلى تقديم مبلغ كمساعدة لها لمزيد من الاستمتاع لأطفالها فيما قدم آخرون عرضًا بتحمل تكلفة الفندق.
ومن ضمن الردود التى تلقتها السيدة: أنا عندى شقة فى كليوبترا.. ممكن تيجى تقعدوا فيها الأيام اللى تعوزيها.. إحنا عزمنكم عشان العيد والقطاقيط الصغيرين يتفسحوا.
وعلق أحدهم: "عندى شقة فاضية فى أبو قير لو تناسبك دى هدية العيد لأولادك مش عاوز مقابل مادى فيها وهناك البحر والأكل رخيص".
تم أضافة تعليقك سوف يظهر بعد المراجعة