تحدث حسين الشحات، جناح النادي الأهلي، عن فوز الاهلى على كايزر تشيفز والتتويج ببطولة دوري أبطال أفريقيا للمرة الثانية على التوالي مع القلعة الحمراء، قائلا: "الحمد لله على الفوز، كانت مباراة مهمة جدا".
وأضاف الشحات، في تصريحات تليفزيونية: "واجهنا فريق قوي ونجح في إقصاء فرق كبيرة كانت مرشحة للفوز بالبطولة الأفريقية، وكنا عاملين حسابنا كويس ليهم، وكنا عارفين إن المباراة هتبقى صعبة وقدرنا نكون مركزين ومشينا بشكل كويس في الشوط الأول وكنا هنسجل".
وتابع نجم الأهلي: "حاولنا نستغل سرعاتنا، وأن يبقى في تمريرة بينية بشكل متفق عليه في وقت معين نخطف بيها خط الدفاع، الهدفين الثاني والثالث سجلناهما بنفس الأسلوب وجبناه من جملة متفق عليها".
واستطرد حسين الشحات: "مطلوب منك دايما تبقى كويس، كل اللعيبة بيبقى عليها ضغوطات لانك في الأهلي ودلوقتي خلصت افريقيا هترجع تلعب في الدوري.. الناس واخدة أجازة في العيد إلا الأهلي هيلعب مبارياته، لو مش عاوز تبقى مضغوط بلاش تلعب في الأهلي".
واختتم الشحات تصريحاته: "وجودي على الدكة لفترة فرق معايا وكنت بتعامل كويس من الجهاز الفني، سواء من المدير الفني، كانوا بيأكدولي اني لاعب كويس، وبيقولوا أنت هتفرق معانا كده كده، وإن كله بيلعب وكله بيقعد دكة، كنت بنزل بديل ألعب وأسجل".
تم أضافة تعليقك سوف يظهر بعد المراجعة