عمره ما كان مدمن أو بيشرب مخدرات.. صديق شقيق رامي صبري يكشف مفاجآت جديدة حول غرقه

قال صادق عادل صديق الفنان المطرب الشاب الراحل كريم صبري شقيق المطرب رامي صبري، إن  كل ما قيل حول صديقه الراحل خطأ، مشيرا إلى أنه من الواجب عليه أن يوضح صورة صديق عمره.

وأضاف عادل صادق في تصريحات لتليفزيون اليوم السابع، قائلا:"انا ابقى سامع حاجة غلط بتتقال عليه وان انا اصلح الصورة دي ده واجب علي وعن اي حد بيحب كريم"و تابع قائلا:" انا كريم اعرفه من ايام ما كان في المعهد تقريبا كان عندنا 11 سنة واحنا قريبين جدا من بعض وصاحب عمري.

اهم الحاجات ان كريم عمره ما كان شخص مدمن ولا عمره كان شخص بيروح مصحات ويهرب كريم صبري عمره في حياته ما دخل مصحة كريم صبري عمره في حياته ما كان مدمن كريم طول عمره بيخاف على شكله ومن الناس اللى بتحب تهتم بشكلها وبلبسها وبيحب يبان قدام الناس نجم لا عمره كان مدمن ولا عمره كان شخص بيشرب مخدرات زي الناس ما بتقول لو مثلا اتقال ان هو دخل مصحة نفسية في آخر يوم ده انا دي حاجة ما اعرفهاش وما وصلتليش مع إنى كنت بكلمه فترة قريبة جدا من الموقف اللي حصل ده هو كان مكتئب اكتئاب حاد يكاد يكون ودي حاجة انا يعني مستنتجها من نفسي ممكن يكون والده حب يجيب له دكتور يساعده نفسيا زي دكتور نفساني يساعده يخرجه من الحالة، طبعا هو بقى له فترة بي مكتئب لانه مش عارف يحقق ذاته هو راجل نجم من وهو طفل الناس كلها شايفة ان هو هيبقى نجم كبير وبيحاول ومش لاقي الدعم من الناس ومش عارف يحقق ذاته.