يرى حازم إمام نجم الزمالك ومنتخب مصر الاسبق أن تمديد تعاقد التونسى فرجانى ساسى مع القلعة البيضاء بمبالغ كبيرة لن يفسد أوضة لبس الفريق الابيض، وقال حازم إمام فى برنامجه وان تو عبر إذاعة أون سبورت إف إم:"موضوع ساسى شاغل الناس كلها دلوقتى، بس بستغرب من الناس اللى بتقول لازم يمشى لان التجديد ليه بالمبالغ الكبيرة دى سوف يفسد أوضة اللبس".
وأكمل حازم إمام :" الزمالك تعاقد مع ساسى بمبلغ كبير وعقد اللاعب طوال المواسم الماضية كبير أيضاً ولم تحدث أزمة ولم نسمع عن أزمة من أى لاعب بسبب ساسى ، واللاعب نفسه تألق وأثبت حضوراً قوياً مع الزمالك وفوزنا بالكونفدرالية والسوبر المصرى والسعودى والافريقى وكأس مصر إذن ليس هناك مشكلة".
وتابع الثعلب الصغير:" ممكن اتفق معاك واقولك هيفسد أوضة اللبس لو الزمالك أعلن ان النادى مفيهوش فلوس واللاعيبة تتفاجىء أنهم رايحين يجيبوا لاعب بمبلغ كبير وقتها هتحصل أزمة ، لكن الزمالك متمسك بساسى وعايز يمدد عقده وأعلنوا هذا كثيراً ، وخاصة اللجنة الاخيرة قد يكون الوقت متأخر بس اياً كان قرار ساسى لو كمل هتبقى ميزة للزمالك وهيبقى زى ايمانويل ويعمل تاريخ كبير مع القلعة البيضاء ولو رحل وفكر فى عرض أعلى ده حقه وهو ده الاحتراف".
تم أضافة تعليقك سوف يظهر بعد المراجعة