بعيدًا عن الرياضة وصالات المنافسات هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققت على أيديهن، ويظهرن من خلاله اهتمامهن بحياتهن الشخصية وهواياتهن، ونجمة اليوم فى برة الملعب هى رولا ابو النجا لاعبة السباحة، والتى تعد من أبرز نجمات اللعبة لما شاركت فيه من بطولات عديدة، كما تتألق أيضاً من حيث الشياكة والأناقة خارج صالات المنافسات.
ما هوايتك المفضلة بعيدا عن الرياضة؟
سماع الأغانى والأزياء واختراع الأكلات
ما الأكلة التى تتميزين فى طبخها؟
الفتة السورى وكيك الشيكولاتة
من نجمك المفضل؟
الزعيم عادل إمام
من مطربك المفضل؟
ترافيز سكوت و دراك
و لم تكونى لاعبة كنتى تتمنى تكونى أيه؟
أكون مصممة أزياء fashion designer
لما تتعاكسى فى الشارع.. ايه بيكون رد فعلك؟
بكون حاطة السماعات فى ودانى ومش بسمع أصلا، بس لو سمعت بعمل نفسى مش سامعة، أو إن الكلام موجه لحد تانى.
مين نجمات السينما كنتى تتمنى تكونى زيها؟
مش بحب حد معين أكون زيه، لكن ممكن جال جادوت
بتحبى الملابس الكاجوال ولا الفورمال؟
بحب الكاجوال بالنسبة لى هيكون مناسب أكتر.
ولو هترتبطى تحبى ترتبطى برجل رياضى فى تخصصك ولا وظيفة تانية؟
مش فارقة حاليا أكيد بس المهم يكون جسمه رياضى أو بيحب الرياضة.
لو طلب منك تسيبى الرياضة هتعملى ايه؟
مش هوافق لأن فى حاجات كتير أوى نفسى أكملها ومش هضيع التعب طول السنين اللى فاتت، أنا كتير أوى فكرت أسيب السباحة بس مش بعدى ثانى يوم غير وأنا فى التمرين وبحاول أرجع أحسن من الأول كمان ومش هبطل سباحة غير لما أحقق حاجة كويسة ثانى وطبعا مقدرش اضيع تعب ماما وبابا طبعا وتعب الكابتن بتاعى معايا و هخليهم فخورين بي ان شاء الله.
تم أضافة تعليقك سوف يظهر بعد المراجعة