متدفنش راسك في الرمل زى النعام، هذا ما نعرفه عن الطائر العملاق الذى لا يطير ويمتلك جناحات، ولهذا الطير استخدامات جمة أخرى، ستتعرف عليها في هذا التقرير المصور، فلا يوجد شيء فيه إلا ويباع ويحقق ربحا، فتربيته سهلة والاستفادة من عائده المربح يجعلك تفكر أكثر من مرة في عمل مشروع لتربية النعام.
يوسف العادلى 17 سنة من إحدى قرى القليوبية، وهو أصغر رجل أعمال موجود في مصر، فقد بدأ مشروع تربية النعام وهو في سن صغيرة جدا وبدأها بكتكوت النعام، قائلا، "مفيش حد في مصر ميعرفش انى بدأت مشروعى وانا عندى 10 سنين وكان كتكوت نعام ربيته لحد اما كبر وأصبحت نعامة تسمين يعنى مجهزة للذبح وكسبت من بيعها وكان بالنسبالى رقم 25 ألف رقم كبير".
وتابع، "من هنا بدأت الفكرة تكبر في دماغى ووالدى شجعنى على ده، والنعامة جابت نعامة تانية لحد اما بقى عندى الحمد لله دلوقتى 10 أسر، العشر أسر دول انا عملتلهم دراسة جدوى ومكسبهم مليون جنيه في الـ 8 شهور يعنى كل اسرة تعمل مكسب صافى ربح 100 ألف جنيه في المدة ديه ولو جمعنا الـ 10 أسر هتلاقى ان الربح زى ما بقولك مليون جنيه صافى ".
واستكمل، "علف الأسرة الواحدة هيكلفك في الـ 8 شهور اللى هي الدورة 18 ألف جنيه حسب سعر اليوم، والنعام بيحتاج مكان 120 مترا للـ3 أسر والاسرة بتتكون من 2 إناث وذكر، وفى نعام انتاج ونعام تسمين والأخير ده اللى بيستخدم للذبح، ولحم النعام من أكثر اللحوم فائدة لجسم الانسان لانه خالى من الكوليسترول، والنعامة مش بيترمى منها أي حاجة كل حاجة يمكن الاستفادة منها ويمكن تحقيق الأرباح منها".
تم أضافة تعليقك سوف يظهر بعد المراجعة