كشفت الفنانة لقاء الخميسى عن ذكريات احتفالها بعيد الفطر المبارك منذ الطفولة حتى الآن، وقالت إنها تقضى العيد مع عائلتها المكونة من زوجها وأولادها وأخوتها ووالدتها وحماتها، وأحيانا يسافرون ولكن هذا العام سيكون بالمنزل بسبب كورونا.
وتابعت لقاء الخميسى فى تصريحات لـ تليفزيون اليوم السابع: "أكتر حاجة فكراها كنت بخط هدومى تحت المخدة وهى مكوية ومش عارفة إيه السبب بس كنتب فرح بهدوم العيد بشك رهيب، وعمرى مانسيت كل الهدايا اللى جابها ليا والدى ووالدتى، ومكناش بناخد عيدية وكنا بناخد هدايا سواء أنا أو إخواتى، وبحب الكحك أكتر من البسكويت".
وعن الشخص الذى يعطيها عيدية الآن وأول عيد قضته مع زوجها "أوسة"، قالت لقاء الخميسى: "محدش بيعبرنى دلوقتى، وأوسة كان دايما بيلعب كورة في العيد ولما سألته ليه دايما في العيد في ماتشات قالى عشان الناس بتبقى إجازة وبينزلوا يتفرجوا".
يذكر أن أخر أعمال لقاء الخميسى مسلسل "ضد الكسر" ويشاركها فى البطولة نيللي كريم، ومحمد فراج، ومصطفى درويش، وهشام إسماعيل، وحمزة العيلي، تأليف عمرو الدالي، وإخراج أحمد خالد، وإنتاج مشترك بين سينرجي والعدل جروب.
تم أضافة تعليقك سوف يظهر بعد المراجعة