عرضت منصة البلاتفورم، خلال حلقات "مسحراتى المحروسة" التى تقدمها خلال شهر رمضان حلقة جديدة تتضمن التحذير من الزواج المبكر .
وحملت الحلقة الجديدة، عنوان "الزواج المبكر"، حيث قال المسحراتى فيها: "على الدقة طبلة بصحى زينب وعبدالسلام.. وأنا جنب بيتهم سمعت غنوة دقوا المزاهر.. ماهو من زمان واحنا جيران من زمان من المحبة بينا أواصر.. يا واقعة سودة يادقة دقى يزف نجوى للأسطى ناصر والله حرام يا سى عبدالسلام ده نجوى لسه قاصر فوقوا ياناس ده انتو فى غفلة ده البنت لسه يا عينى طفلة من غير لا خبرة ولا دراية ومن بعد عام كده بالتمام هتلاقى طفلة بتربى طفلة".
وأضاف مسحراتى المحروسة: "متقلش هم وانزاح وراح وسيبها عايشة سن الطفولة دا البنت لسه خطوة أولى لو سننوها يبقى جريمة بيدفونهوها من غير كلام.. يا كل شاب عايز الجواز سنك صغير ما لسه بدرى دى مسؤولية شيلت نفسك الهم ول من غير ما تدرى كل زرعة يابنى بأوان لا فرصة ضايعة ولا قطر يجرى مبروك عليكى الشهر يابلدى.
وتبث منصة "البلاتفورم"، على صفحتها بموقع التواصل الاجتماعى "فيس بوك"، برنامجا بالتعاون مع المجلس القومي للمرأة، يحمل اسم "مسحراتى المحروسة" فى شهر رمضان الكريم، حيث يجوب المسحراتى يجوب شوارع القاهرة التاريخية للتنويه عن "حق الجار".
أشعار الحلقة، من كلمات إبراهيم الرفاعي ومن إخراج الدكتورة زينب زمزم ولحن وغناء مجدي الرشيدي.
تم أضافة تعليقك سوف يظهر بعد المراجعة