قدم تليفزيون اليوم السابع، تغطية خاصة استعرضت تفاصيل ومعلومات أكتر عن حجم "إصابات كورونا في شهر رمضان".
أول أيام رمضان
13 أبريل 2021.. وزارة الصحة أعلنت تسجيل 823 حالة إيجابية جديدة للفيروس، ضمن إجراءات الترصد والتقصي، والفحوصات اللازمة اللي بتُجريها الوَزَارة، وِفقًا لإرشادات منظمة الصحة العالمية، وأشارت كمان لوفاة 39 حالة جديدة من نفس اليوم.
ثانى أيام رمضان
14 أبريل.. اللى شَهِدَت خلاله مصر، تسجيل 831 حالة إيجابية جديدة للفيروس.. يعنى احنا في تاني يوم كنا قدام زيادة بـ 8 إصابات عن اليوم اللى قبله.. دا غير حالات الوفاة اللى وصلت لـ 44 حالة جديدة.. واللى كانت أكتر من اليوم الأول بـ 5 حالات.
ثالث أيام رمضان
15 أبريل.. وتحديدًا يوم الخميس اللى فات.. سجلت مصر 837 حالة إيجابية جديدة للفيروس، ضمن إجراءات الترصد والتقصي والفحوصات اللازمة التي بتجريها الوزارة.. وسجلت كمان وفاة 41 حالة جديدة..
رابع أيام رمضان
16 أبريل.. يعني رابع أيام شهر رمضان المبارك.. سجلت مصر 841 حالة إصابة جديدة.. ووفاة 42 حالة جديدة...
خامس أيام رمضان
السبت 17 أبريل.. وسجلت فيه مصر 845 حالة إيجابية جديدة للفيروس.. دا غير وفاة 41 حالة جديدة.
ومن 845 إصابة في يوم السبت اللى فات.. لـ 850 حالة جديدة ثبتت إيجابيهم لفيروس كورونا.. سجلتهم مصر في تاني يوم.. وهو يوم الأحد 18 أبريل.. ومعاهم 44 حالة وفاة جديدة.
حجم الإصابات برضه بيواصل في الارتفاع.. وسجلت مصر يوم الاتنين الموافق 19 أبريل.. يعنى تامن أيام شهر رمضان.. 852 حالة إيجابية جديدة للفيروس.. ونضيف ليهم 40 حالة وفاة جديدة.. عشان نكون قدام إجمالي إصابات 217 ألف و186 شخص مُصاب، من ضمنهم 163 ألف و812 تم شفاؤهم علي خير، و12 ألف و778حالة وفاة.
