قال الإعلامى عمرو أديب عن تعويم السفينة الجانحة بقناة السويس: "عندى ثقة فى إدارة بلدى والمواطن المصرى الجاد.. والعالم كله واقف عند الحفار الصغير.. والدرس الحفار الصغير كان يعمل 24 ساعة أمام السفينة الضخمة.. وعندك كمية غربان دول وأفراد.. وبيرجر كينج يتريق وريترز طلعت تقول السفينة جنحت مرة أخرى، والحمد لله ربنا نقذنا وشفت ناس سودا أوي وناس بتدعي الغمة تتزال.. وربك كان لطيف بينا.. وهذه الأيام هناك رحمة ومساعدة وغوث لينا".
وأضاف خلال برنامجه الحكاية المذاع على قناة أم بى سى مصر: "الشعب كله كان خايف على البلد.. والعالم ضاغط علينا قوى وفى 6 أيام الحمد لله ربنا إفرجها معانا.. المصريين قدروا يخلصوا المركب دون أن يحدث أى ضرر للسفينة أو تلوث ويتم جرها إلى البحيرات.. وتصبح مصر دولة بطلة فى إجراء هذا الأمر.. ومن هنا ورايح محدش يتريق خالص واحنا شعب جبار.. وكلنا كان قلبنا واقف فى 9 دقائق لما المركبة حاوله تجنح مرة أخرى ولكن ربنا نقذنا والحمد لله.. والناس تنفست وكان حجر كان على صدرنا وانزاح".
وتابع : "ربك كريم جاذبية القمر ببقت معانا.. أقل موظف فى الكراكة هو شريان ولا يوجد لك بديلا.. و الله وعملوها الرجالة.. وفرحان ومبسوط ونفسى احضنهم كلهم.. عشان رجعوها زى الحوت بيبعلط فى الميه".
تم أضافة تعليقك سوف يظهر بعد المراجعة