قالت الإعلامية لميس الحديدى، إن الارقام الرسمية المعلنة من قبل الصحة حول الإصابات بفيروس كورونا تشمل فقط من توجه للمؤسسات الصحية المختلفة واجرى الفحوصات والمسحات، مضيفة عبر برنامجها " كلمة أخيرة " المذاع على شاشة " ON": حوالينا ناس كتيرة مش بتعمل pcr ولا آى حاجة ومش بنعرف غير من التحاليل وبالتالى نضرب رقم الإصابات عدة مرات للحصول على الإصابات الحقيقية.
وتابعت لميس الحديدى في رسالتها للمواطنين: "سجلوا للحصول على لقاح كورونا خاصة كبار السن وأصحاب الأمراض المزمنة".
وطالبت لميس الحديدى بفتح الاستيراد الخاص باللقاحات للقطاع الخاص، قائلة: "ده لازم يتقال الدولة تقوم بدور كبير فى التعاقدات المختلفة لكن ليه مانفتحش للقطاع الخاص؟، خاصة أن فيه شركات عاوزة تطعم الموظفين والعمال وعاوزين يدفعوا فلوس.. ممكن نفتح ده ونعمل إتفاقيات عبر هيئة الدواء أو جهاز من أجهزة الدولة نحتاج لأذرع جديدة عشان نوسع شريحة التطعيم، لو مشينا بالوتيرة دي مش هنلحق نطعم 50-70% من المواطنين".
وتابعت: "مانقدرش نسند على الدولة في كل حاجة.. محتاجيم نفتح للقطاع الخاص فيه دول كتيرة زي الولايات المتحدة هتبدأ توفيره في الصيدليات عن طريق القطاع الخاص زى ماعلمنا قبل كده فى توفير المسحات عبر القطاع الخاص بدلاً من تركيزها فقط فى المعامل المركزية".
تم أضافة تعليقك سوف يظهر بعد المراجعة