فى أولى حلقات برنامج رحلة المليون الذى يقدمه الزميلان محمود جلال وأسامة طلعت كان صاحب الرحلة اليوتيوبر محمد أوتاكا الذى تخطت قناته المليون مشترك وقد رصد لنا أهم مراحل وصوله للمليون.
أصعب حاجة لأى يوتيوبر أول 100 ألف، بهذه الكلمات بدأ محمد أوتاكا حواره مع اليوم السابع من خلال برنامج رحلة المليون ثم أكمل قائلاً: بعد الـ100 ألف بتحاول بقى تطور المحتوى وأول ما توصل لـ250 ألف بيبقى آخر حاجة بتشغلك هم المشتركون، ساعتها بتحاول تفكر إنك تقدم حاجة كويسة.
وعما يحدث فى عالم اليوتيوب قال أوتاكا: كل اللى بيحصل على اليوتيوب ده كدب سواء الخناقات أو سرقة الدروع كل ده عشان اليوتيوبر ياخدوا مشتركين من بعض وأنا مابحبش كدة لأن إنت عايز تتشهر لازم تشتغل إنت وتنجح.
وأضاف أوتاكا: بالنسبة لموضوع الريأكت فده من الحاجات اللى شهرتنى لكن أنا مش هافضل طول عمرى أعمل فيديوهات أنتقد فيها الناس وماندمتش على حاجة غير فيديو عملته مع واحدة من اللى عملت عليهم ريأكت لكن ندمت عليه ومسحته.
رحلة المليون برنامج أسبوعى يقدمه الزميلان أسامة طلعت ومحمود جلال ويرصد رحلة مشاهير السوشيال ميديا ورحلتهم إلى المليون.
تم أضافة تعليقك سوف يظهر بعد المراجعة