عمرو أديب: العالم كله بيتخانق على التطعيمات ومش لاقى ولا مصرى مهتم ياخد اللقاح

أكد الإعلامي عمرو أديب، أن هناك تجارب أجريت على إمكانية حصول الشخص على نوعين مختلفين من لقاح كورونا، بالإضافة إلى إمكانية حصول الشخص على الجرعة الأولى فقط دون الحاجة للجرعة الثانية، وظهرت أحاديث حول عدم الحاجة للحصول من الأساس على اللقاح.

وأضاف، خلال برنامج "الحكاية" الذي يذاع على قناة mbc مصر: "السبب في اللي بيحصل ده، هو أن هناك شح في اللقاحات في العالم، في طوابير في الولايات المتحدة الأمريكية علشان بس يحصلوا على جرعة من التطعيم أو اللقاح، ووسط ده كله ابتدينا نسمع حاجات غريبة، يعني في بريطانيا، سمعنا أن أشخاص عندهم مزيج من سلاتين أو تحورين بفيروس كورونا".

وقال: "مش كل الناس اللي بتاخد اللقاح بيكون في جسمها أجسام مضادة، في أخبار يجرى تداولها أن في نسبة من الناس بتاخد اللقاح ومبيظهرش عندها أجسام مضادة، والغريب في الأمر ووسط السباق والصراع ده، مشوفتش واحد مصري منشغل بموضوع اللقاح ده، يا جماعة أهم شىء في اللقاح مش أنه يحميك من الكورونا، لا اكتشفوا أن أهم ميزة إن اللقاح مش هيخليك تعاني من أعراض كبيرة بعد إصابتك بكورونا ده لو أصبت بيها، وفي ناس بتاخد اللقاح وبيجيلها كورونا".