قالت الإعلامية لينا شاكر، إنها انتهت من تناول العلاج، وقامت بنشر بوست السيشن بعد آخر يوم من تلقى العلاج، مشيرا إلى أنه لا يوجد أي شيئ يعوقها عن عودتها للحياة الطبيعية ولكنها تحتاج للراحة بعد فترة طويلة من العلاج.
وأضافت لينا شاكر في تصريحات لتليفزيون اليوم السابع، قائلة:"حبيت أوثق هذه اللحظات عشان أقول إنه في عز الحاجات الصعبة اللى الإنسان بيمر بيها بتظهر حاجات كتير ممكن الواحد يستفاد منها وحاجات ربنا بينعم علينا بيها زي الرضا والقوة، وأنه مفيش حاجه تمنع اننا نكون سعداء ونضحك حتى لو كان في حاجه قاسية شبه ان الشعر يقع بسبب الكيماوي وده ممكن يكون قاسي على كتير.
وتابعت لينا شاكر قائلة:"أنا مش مكسوفه ولا مضايقة عشان أقوى غير أنما انا الحمد لله عديت، وبشكر اللي ساعدوني في السيشن.
وحول بداية اكتشاف مرضها بالسرطان، أكد الإعلامية لينا شاكر أنها شعرت بالتغير في مناطق بالجسم وملمسها غريب وبالتوجه للدكتور طلب إجراء أشعة وتحاليل وكانت النتيجة وجود جسم غريب داخل، وتم الاتجاه لإخذ عينه وتبين أنه ورم وكان لا بد من الدخول للعملية بسرعة، وبالفعل كان تم ده ولم يكن الورم منتشر.
وأشارت إلى أنه قبل التوجه للطبيب شعرت بإصابتها بهذا المرض مشيره إلى أنه هذه الفترة كانت الأصعب بالنسبة لها وليس أول جلسة للعلاج بالكيماوى.
تم أضافة تعليقك سوف يظهر بعد المراجعة