قال الفنان عبد الباسط حمودة إن محبة الناس أغلى حاجة في الدنيا، متابعا: "زمان كانوا بيقولوا كل المسرح قبل ما ياكلك يعنى لازم تخطف الناس والأجيال بتاعتنا هي اللى علمتنا كده".
وأضاف خلال لقائه ببرنامج التاسعة مع الإعلامى يوسف الحسينى: "الجيل الجديد فيه ناس بتغنى وفى ناس مش بتغنى واحنا عاشرنا الأجيال التي علمتنا معنى الفن مش جهجهونى واشتغلنا في موالد وافراح بلدى لحد ما ربنا ادانا ولحد دلوقتى الحمد لله الواحد ثابت وجوده وانا واخد جائزة أحسن مطرب في 2021.
وأكد عبد الباسط حمودة، أن الغناء في الموالد والأفراح علمه الصبر والمزيكا واتعلمنا على ايد حيتان، قائلا: "الحياة كانت جميلة مش زى دلوقتى.. الفرح الشعبى اللى علمنى وأهم حاجة أولاد البلد اللى بيحبوك وينجحوك.. وبالتأكيد زمان كان أحسن وكان أجمل لأن النهاردة بقى في نت وتليفون وانا كنت علشان ادخل التليفزيون لو مش معايا الكارنية انطرد برة وامتحنت على ايد ناس تخض زى سيد مكاوى وحلمى بكر وعمار الشريعى وعفاف راضى".
تم أضافة تعليقك سوف يظهر بعد المراجعة