رسائل مهمة بعث بها الرئيس عبد الفتاح السيسي، خلال افتتاحه مشروعات قومية جديدة في توشكى، ووجه الشكر إلى الدكتور كمال الجنزورى رئيس الوزراء الراحل، على مشروع توشكى، قائلا: "كان عنده رؤية لمشروع توشكى".
وشاهد الرئيس، فيلما تسجيليا بعنوان "توشكى.. خيرك يا مصر"، وفيلما تسجيليا آخر بعنوان "البساط الأخضر"، وأجرى الرئيس جولة تفقدية بعدد من مشروعات الاستصلاح الزراعى ضمن المشروع القومى "توشكى بخير"، وتفقد خلالها مزرعة التمور والتي تحتوى على أجود أنواع التمور فى العالم.
وشهد الرئيس عبد الفتاح السيسي، أيضا افتتاح طريق "توشكى شرق العوينات" بطول 360 كيلو متر.
الرئيس السيسى يرفع لواء التنمية فى كل شبر من مصر
الرئيس يرفع لواء التنمية فى كل شبر من مصر
وأكد الرئيس عبد الفتاح السيسي، أن الدولة المصرية تنفذ العديد من المشروعات الضخمة في الزراعة، متابعا: "أنا بقول كده مش علشان الناس تمدحنا.. عاوز أقول للناس في مصر اطمنوا.. واطمنوا مش كلام.. لما بنتكلم عن مشروع الدلتا الجديدة المواسير قطرها 2 متر يعنى الإنسان يقدر يمشى فيها.. في 60 كيلو اتحفروا لنزول المواسير في خلال سنة ونص.. مع تنفيذ المحطة في مشروع الدلتا.. ومشروع تجميع المصارف.. وتنفيذ شبكة رى وكهرباء في 500 ألف فدان.. سواء المشروع ده أو المشروع بتاع سيناء.. كل مشروع من دول ضخم".
وأضاف الرئيس عبد الفتاح السيسي، خلال كلمته في افتتاح عدد من المشروعات القومية في توشكى، "المشروعات الضخمة دى مش عارفين نقدمهم كويس.. لما السد العالى اتعمل خد تركيز الناس من خلال الإجراءات المصاحبة للتنفيذ.. لكن المشروعات دى مش اتعمل تصوير إعلامى أو جهد إعلامى لعناصر المشروع والتكلفة المالية للمشروعات الضخمة دى.. لما تقولى 100 مليار لتنفيذ المشروعات الزراعية دى بأسعار الستينات في بداية السد.. تكلفة السد بنتكلم في 500 مليون دولار بسعره وقتها.. لما تكلفة المشروع في الستينات 500 مليون دلار.. طب لو عاوز اعمل سد عالى تانى.. ياخد منى الجهد وتطور المعدات وتطور في العمل الهندسى والمعدات ياخد الوقت اللى اتعمل فيه".
وطالب الرئيس عبد الفتاح السيسى، بضرورة الاهتمام بالمشروعات الزراعية الضخمة التي تنفذها الدولة المصرية حاليا، قائلا: "يا جماعة كل مشروع من دول مش ببالغ علشان اللى القائمين عليه يقيموا الكلام.. اللى بيتعمل في سيناء سد عالى.. اللى بيتعمل في توشكى سد عالى.. اللى بيتعمل في الدلتا الجديدة سد عالى".
تم أضافة تعليقك سوف يظهر بعد المراجعة