أكدت أميرة سيد مكاوي، ابنة سيد مكاوى، أن والدها الراحل كان مختلفاً نظرًا لظروف فقدان بصره، متابعة: "عشت فترة متخيلة إني كنت بساعده واكتشفت أنه هو الذى يساعدنا طول الوقت وكان جلابية حنان متعلقين بيها طول الوقت".
وأضافت أميرة سيد مكاوي في لقاء خلال برنامج "كلمة أخيرة" الذي تقدمه الاعلامية لميس الحديدي على شاشة ON: "عمري ما شوفت والدي بيزعق والخصام كان هو العقاب الأشد لنا وكنت فاكرة إنه بيشوف لغاية ما عمري وصل 6 سنين ومكانش يخليني أشوفه من غير النضارة وهو عفريت جدا بيعمل حاجات كتير مرعبة تحسسك إنه بيشوف زي إنه بيعمل شاي وبيلبس لوحده".
واستطردت أميرة سيد مكاوي: "غميت عيني لبعض الوقت عشان أحس أبويا كان بيحس إيه وأبي وصفنا في أحد الحوارات التلفزيونية بشكل دقيق جدا من غير ما توصفنا أمي له وكنت باخد رأيه في لبسي رغم إنه مش شايفه، ورغم مرور سنين على وفاته مش بقدر أشوفه على الشاشة لأني مش عارفه أحضنه وأطبطب عليه".
