قالت الفنانة نجلاء بدر، إن فيلم "قدرات غير عادية" مع المخرج داوود عبد السيد، من أجمل التجارب الفنية فى حياتها، مردفة: "رفضت فيلم لداوود عبد السيد قبل فيلم قدرات غير عادية، وبعدها ندمت كتير وقطعت شرايينى”.
وأضافت نجلاء بدر، فى لقائها مع الإعلامية إنجى القاضى، ببرنامج "مساء dmc" الذى يذاع عبر قناة dmc، أن فيلم "المحكمة" يناقش قضايا مجتمعية مثل زواج القاصرات، وهو من أهم الأعمال فى حياتها لأنه يناقش هذه القضية بشكل كبير.
وتابعت نجلاء بدر: "دورى فى مسلسل 30 يوم دفعنى إلى الذهاب إلى طبيب نفسى، وأنا كنت مشوشة جدا وكنت بشوف حاجات بتتحرك فى البيت".
وأردفت: "أنا واحدة من الناس مش بعرف أشترى حاجة أو ألبس إيه، لأن دولابى بقى عبارة عن شخصيات فى اللبس، وأنا مش هروح لمنطقة الشك فى الحياة الزوجية، لأن اللى هيدور هيلاقى ولو ملقاش هيختلق"، مشيره إلى انزعاجها من المضايقات على السوشيال ميديا، قائلة: "لو فى إيدى أسجن ناس كتير، واللى بيعملوه ده مهين لشخصهم".
وعن والدها، قالت نجلاء بدر: "علمنى يعنى إيه حب الوطن ويعنى إيه التضحية علشان مصر، ومش هيجى حد زيه فى عمرى نهائيا، ومصر كبيرة جدا فى عيلتى وأنا من عيلة وطنية جدا".
تم أضافة تعليقك سوف يظهر بعد المراجعة