لمياء أحمد راتب تحيى ذكرى رحيل والدها: قلبى يرتجف حين أتذكر

واستعان عادل إمام بالفنان أحمد راتب فى غالبية أعماله المسرحية والسينمائية، ووصل عدد الأفلام التى جمعتهما ما يقرب من 19 فيلماً، ومسرحية واحدة، ومسلسل واحد كان ختام التعاون بينهما، هو "أستاذ ورئيس قسم" عام 2015، وتعد كل الأعمال بينهما علامة بارزة في تاريخ الفن المصرى.

وفى فيديو مسجل للفنان الكبير عادل إمام عرض خلال لقاء الفنان أحمد راتب أثناء استضافته مع الإعلامية والفنانة صفاء أبو السعود، وقال الزعيم خلال اللقاء: "أول مرة أتعامل مع أحمد راتب كان فى فيلم قاتل مقتلش حد وهو كان دور ظريف جدا، وبعد كده عمل أدوار كتير متنوعة معايا ومقدرش أقول على كل الأدوار ولكن ممكن أذكر منها".

وأضاف عادل إمام، بعتبر فيلم "واحدة بواحدة" بطولة سينمائية للفنان أحمد راتب وزى ما أنا بطل هو كمان بطل، وأحمد راتب لما اشتغل معايا في فيلم "الإرهاب والكباب"، ياريت تشوفوا مشهد ماسح الأحذية وهو بيتكلم عن مفهوم العدالة، أحمد راتب يستحق أوسكار فى هذا المشهد".

وروى الزعيم عادل إمام موقفا جمعه بالفنان أحمد راتب أثناء تصوير فيلم "بخيت وعديلة" الجزء الأول، قائلا، حصل حادثة أثناء تصويرنا لفيلم "بخيت وعديلة"، المفروض فى مشهد هنعدى من غرفة النوم وننط من البلكونة وفى نفس الوقت مصطفى متولى هيضرب أحمد راتب بوكس، وأنا فى صالة سمعت حاجة طرقعت جامد وقلت شكل البوكس جه فعلا فى مناخيره، وفعلا مناخير أحمد راتب اتكسرت ولغينا التصوير وأخدته على أقرب مستشفى، وأنا مدخل أحمد راتب المستشفى مسك فى إيدى وقالى متسبنيش، وأنا كده كده مكنتش هاسيبه.

وتابع عادل إمام: "قلت لمدير المستشفى عاوز أكبر دكتور تجميل في مصر لأن ده ممثل مينفعش وشه يتشوه، وجه الدكتور وواخدينه على العمليات وقاله أنا هاظبطلك مناخيرك فرد عليه أحمد راتب أنا مش عاوز مناخيرى حلوة أنا عاوزها زى ما كانت، وكل ده عشان يحافظ على شكله اللى الناس عرفته".