كشف التوأم حسام وإبراهيم عادل لاعبي فريق الناشئين بالأهلي مواليد 2006 أن الطبيب المسئول عن ولادتهما هو من اقترح على والدنا تسميتنا باسم حسام وإبراهيم وكان يشجع الأهلي.
قال إبراهيم عادل في تصريحات لبرنامج "الأشبال" على قناة الأهلي والذي يقدمه أسامة حسني: "حسام هو اللي اتولد الأول، وبدأنا لعب الكرة في مركز شباب النهضة وكان نفسنا من صغرنا نلعب في الأهلي وسمعنا عن الاختبارات وروحنا واتقبلنا احنا الاتنين وكان عندنا 11 سنة".
تابع إبراهيم: "جمال السيد واحمد جمال اول مدربين استقبلونا في الأهلي وانا من انضممت للأهلي في البداية وتكلمت مع المدرب عن حسام شقيقي ووافقوا على انضمامه واتقبلنا احنا الاتنين".
أوضح: "حسام يلعب قلب دفاع في البداية ولكن سامر عبد الرحمن غير مركزي إلى مهاجم ولعبت مباراتين وسجلت في اللقائين، ولكن أنا _إبراهيم_ بدأت الموسم كلاعب وسط دفاعي ولكن سامر عبد الرحمن غير مركزي ووظفني صانع ألعاب، وفي مباراة بيراميدز لعبت نص ملعب هجومي وظهرت بمستوى جيد ".
أشار: "كابتن سامر عبد الرحمن دايما بيتلخبط فينا واوقات عايز يقول لابراهيم حاجة ويقولي انا أقوله لا انا حسام ، ولكن في البيت حفظونا ومحدش بيتلخبط فينا".
واصل إبراهيم: "ماشيين كويس في الدراسة واحنا الاتنين في أولى ثانوى ومش بنزوغ من المدرسة الا قليل وانا اللي بحرض حسام اننا نزوغ من المدرسة".
وعن كواليس جلستهما مع بيتسو موسيماني المدير الفني للفريق الأول، أكد حسام: "موسيماني قالي اتفرجت عليكم وقلت له عازينك تتابعنا كتير في الفترة الجاية وهو قالنا اتفرجت عليكم وعملتوا ماتش كويس رغم انكم كنتوا متأخرين في النتيجة وجبتوا اجوان، وقالنا ركزوا وحلمي اني اصعد منكم كتير للفريق الأول في الفترة الجاية".
تم أضافة تعليقك سوف يظهر بعد المراجعة