فيسبوك
واتساب
" أنا نفسى أعمل عملية بس وروحت للدكاترة قالولى إن نسبة نجاح العملية 90% وهتقف على رجلك وهتمشى، وأنا بشتغل 8 ساعات في الكشك مع ابن خالتى"، بهذه الكلمات بدأ إيهاب حديثه لـ"اليوم السابع"، والذى يبلغ من العمر 24 عاما، أصيب بحمى وهو في عمر الخمس سنوات أدت إلى عجز أطرافه .
يقول إيهاب سامى البالغ من العمر 24 عاما لـ"اليوم السابع"، تعرضت لحمى أدت إلى ارتفاع في درجة حرارة جسمى وأنا في عمر 5 سنوات، واتضح أنه مرض نادر أدى إلى عجز في يدى وقدمى، وكما أدت إلى إعوجاج العمود الفقرى.
وأضاف إيهاب: "أصابع يدى لا تتحرك وركبت في رجلى شريحة ومسامير وعصب العين متأثر نتيجة هذا الفيروس النادر، ولكن رغم كل الأعراض دى لم أستسلم وأتممت دراستى وحصلت على دبلوم تجارة".
وأشار: "اشتغلت في الكشك مع ابن خالتى وهو اللى بيساعدنى في حياتى اليومية ودائما معى، وهو اللى بيلبسنى وبيجيلى البيت و بينقلنى بالموتوسيكل الخاص به إلى مكان العمل وهو كشك بقف فيه 8 ساعات ".
واختتم إيهاب حديثه قائلًا:" الناس كلها بتحبنى وبتتعامل معايا عادى وأنا بعيش حياتى اليومية زى أي حد طبيعى، وبشتغل وناسى التعب، بس ضهرى بيسبب لى آلام كبيرة، ونفسى اتعالج وأعمل عملية العمود الفقرى والدكاترة قالولى إنها هتنجح بنسبة 90% وهقدر أمشى على رجلى تانى ".
