استضاف الإعلامي عمرو الليثي، سيدة لديها من الأبناء 8، وكان رزقها الله بشابين وفتاة، أحمد ومحمد وابنتها الكبرى جنا، وتشاء الظروف أن يصبح لديها من الأبناء 8، بعد أن قررت أن تتكفل برعاية 5 أبناء أخرين، فقدوا أمهم، لتعاملهم كأمهم.
وقالت السيدة سلوى، أم الثمانية أبناء، خلال لقاءها ببرنامج "واحد من الناس": "كان عندي جنا، ومحمد وأحمد، وبعدها جاء أحمد، زوجي يبقى خاله، ووالدته توفيت في الصعيد، ومكنش ينفع نسيبه لوحده في الصعيد، قررنا أنه يعيش معانا، وهو مكنش مرتاح مع والده، وخاله قرر إنه يعيش معانا".
وأضافت: "أما القمرات التانين، دول ولاد أختى، وهي من فترة حست بتعب، وبعد الفحوصات، اكتشفنا إن عندها السرطان، وتوفاها الله، ومن بعدها بقوا ولادي، أنا شايفة إن الموضوع عادي، وأنا فرحانة بيهم أوي، وأحمد لما جه، مكنش فيها قرار، هو جه صدفة، وكنا اكتشفنا إنه سايب البيت بقاله فترة، اكتشفنا صدفة إنه تعبان قولتله بات معانا، ساعتها اكتشفنا إنه سايب البيت، خد علاجه وبات معانا وكان القرار وقتها إنه يقعد معانا".
وقالت مازحة: "أنا دلوقتي عندي عصابتين، والصغنيين دول حبايبي، ومسمياهم زفت ونيلة والفتانة، الموضوع بينا بسيط مفيش عقد، دايما عمالين نضحك ونهزر".
تم أضافة تعليقك سوف يظهر بعد المراجعة