أكد الفنان الكبير رشوان توفيق قبوله بمبادرة الصلح بينه وبين ابنته وحفيده التى طرحها "تليفزيون اليوم السابع"، قائلا: "أنا من ناحيتى مع كل اللى حصل ده هى بنتى وهو حفيدى وأنا مش بفكر فى حفيدى والله ده أنا بفكر فى أحفاد أحفادى كمان".
وتابع قائلا فى تصريحات لتليفزيون اليوم السابع: "أنا ربيت أولادى بلا استثناء على الطهر الشديد، وعلى فكرة هما عليهم تأثير من بره وله مدة هذا التأثير".
وأضاف قائلا: " الموقف العاصف ده طبعا كان صدمة كبيرة جدا بالنسبة لى، ومش هتكلم فيه بقى لاني تعبت قوي، وبنتى آية دي وهي صغيرة ما كنتش بتنام إلا على صدري مش جمبي.
وأضاف الفنان رشوان توفيق "و بعدين أنا ما اتأخرتش عن ولادي زي هبة ما قالت إنه كان كل اللي أنا كسبته في حياتي أنفقته عليهم. حياتي كلها عالمهم، بس في جميع الأحوال. أنا عارف التفاصيل ، بس كان لازم يبقى في مخ ".
وأضاف "لازم كانوا يفكروا ، مش معقول توصل بهم السذاجة لدرجة إن هما يعني.. مش عايز أقول بقى اللي حصل منهم يعني، إنما البيت بيتهم ، أولادي أحفادي ما فيش أزمة ، كأن كل ده ما حصلش ، بس يتلغي كل الحاجات اللي صدرت منهم ونخلينا النهاردة في الصلح."
تم أضافة تعليقك سوف يظهر بعد المراجعة