قال الفنان إدوارد عن المخرج الراحل حاتم على،" إنه مخرج عبقرى وإنه مبسوط إنه بيحضر آخر عمل له، الفيلم عبقرى وأكيد وجبة دسمة من الإبداع، كلنا متحمسين نخش نتفرج". وتابع إدوارد، "مش بحضر مهرجانات، عشان ما بتعزمش عليها، أنا اتعزمت السنة اللى فاتت على مهرجان الجونة وما روحتش بس عشان الكورونا يعنى بس ما عزمونيش السنة دى”.
وقال الفنان إدوارد عن ما حدث للفنان الكبير رشوان توفيق"الوطن العربى كله بيحبه، رشوان توفيق فنان مبدع وفنان مش عايز أقول لك قد إيه تحس إنه أب وتحس أن أنت أول ما بتشوفه كده بترتاح نفسيا، انبسطت جدا أن أنا كرمته وزعلت جدا على اللى حصل له الفترة دى وإن شاء الله أزمة تعدى على خير، بس بنقول له مصر والمصريين كلهم جنبك وبيحبوك وأنت أبونا كلنا"
وخلال تغطية تلفزيون اليوم السابع لمهرجان القاهرة، قالت الفنانة جومانا مراد " للأسف انا ما قدرتش أحضر الافتتاح عشان كنت عيانة جدا، يعنى بعد ما جهزت حسيت نفسى فعلا مش قادرة وما قدرتش احضر الافتتاح، النهارده كان لازم ابقى موجودة حرصت أن انا ابقى موجودة عشان ده تكريم لحاتم على، متحمسة جدا اشوف الفيلم، وببارك لكل صناع الفيلم على الجوائز التى حصلوا عليها".
وتابعت "هو إنسان عظيم جدا كان لى الشرف أن انا اشتغلت معاه. اتعلمت منه كتير طبعا وبعتبر شغلى معه من أهم الحاجات اللى عملتها فى حياتى”.
