قرر الفنان عمرو وهبة اتخاذ إجراءات قانونية ضد شخص قام بسبه عبر "فيس بوك"، وكتب وهبة: "قولت قبل كده كتير إني بطنش الكومنتات السلبية والشتيمة عشان ده جزء من شغلي، ومع إني مش شايفلها مبرر خصوصًا إن بوستاتي هزار لا سياسة ولا كورة ولا دين، بس دايما كنت بقول معلش جايز اللى بيشتم ده ظروفه وحشه، يومه وحش حياته وحشه بيكرهنى لدرجة إني مش قادر يمسك نفسه.. بس قولت برده فى نفس البوست انى فى مرة هخلى واحد عبره وهكمل للآخر وهزعله.. ولقيت الواحد ده".
وأضاف عمرو وهبة: "وبما انك بتشوف بوستاتى وبتشتمنى فيهم كلهم، فأنا بقولك أهو متمسحش الكومنت عشان كله معايا ومتعملش بلوك ومتخليش حد من أهلك يكلمنى يعيط".
وكان قد كشف الفنان عمرو وهبة عن كواليس فيلم "ماكو" الذى يتم عرضه حاليًا قائلاً: "أخدنا كورسات في الـ diving علشان نعرف نصور أثناء الغطس، والفيلم فكرته مختلفة تمامًا عن القوالب السائدة، لذا أرهقنا خلال تصويره، واستغرقنا فترة طويلة وصلت لأكثر من سنتين تصوير، لم تكن كلها بالتأكيد تصوير".
وأضاف عمرو وهبة: "روحت الجيم واتمرنت كتير علشان وأنا بقرأ السيناريو استنتجت انى لازم أبقى فورمة شوية، فبدأت أتمرن أكتر علشان الشخصية وأكون ملائم ليها".
كما أكد أنه وحينما كان يتدرب في البحر، قال له المدرب وقتها إن هناك علامة حالة وجدوا سمكة قرش قائلاً: "اتصدمت وقتها، وقلتله أنا ما عرفش أن في أوبشن أنى ألاقى سمكة قرش من الأساس".
وأضاف أيضًا أن عدد مشاهد التصوير كان يصل كثيرًا إلى أكثر من 16 ساعة، مؤكدًا أن أكثر شىء أسعده هو ردود الفعل منذ طرح الفيلم بدور العرض.
حساب عمرو وهبة على فيس بوك
تم أضافة تعليقك سوف يظهر بعد المراجعة