قال الفنان سمير صبرى عندما وقفت بجوار الفنانة نيللى في مهرجان القاهرة لقيت نفسى رجعت 40 سنة لورا، أنا مسلت معاها حوالى 14 فيلما والمسلسل اللى عملته مع محمد عبد الوهاب شيء من العذاب عملته معاها في التليفزيون وسعاد عملته في السينما .
وأضاف خلال مداخلة مع الإعلامى محمد الباز ببرنامج آخر النهار المذاع على قناة النهار: أنا داخل المسرح وانا عندى إصابة في ركبتى وتعبان ومش عارف هتحرك إزاى على المسرح فجأة لقيت نفسى نسيت التعب والمرض وحسيت انى عندى 20 سنة وكأننا في فيلم أهلا يا كابتن .
وتابع: يكفى دور الشرير الذى اختارته نيللى في عذاب امرأة خير دليل على قدرتها على تقمص الأدورا بعيدا عن الفوازير وهى عاشقة للمهنة وبتحضر قبل الموعد وكانت دايما تيجى قبل الشغل بساعتين وبتيجى حافظة الحوار حاجات مش بنشوفها دلوقتى.
وأضاف: أنا عاصرت المهرجان وهو ما زال فكرة في خيال كمال الملاخ وكنا في بيت عبد الحليم حافظ وهو بيقول معقولة إسرائيل هتعمل مهرجان سينمائى والقاهرة ما فيهاش ورد عبد الحليم قاله وايه المشكلة قاله فلوس وعبد الحليم قال إنه متبرع بـ3 حفلات وكانت نجوى فؤاد زوجة لمدير أحد الفنادق وادانا 50 غرفة لنجوم المهرجان القادمين من الخارج وشهد المهرجان الكثير من نجوم العالم منهم إليزابيث تيلور انا عاصرت المهرجان منذ بدايته واللى بيعمله محمد حفظى هائل في ظل زحمة المهرجانات ولا استطيع أن انسى اللى عمله حسين فهمى وعزت أبو عوف ، وهى فرصة حلوة لإبداء الآراء وتبادلها ولابد أننا نطلع بإنتاج مشترك مع الدول اللى حاضرة ونفتح آفاق جديدة للأفلام المصرية في الدول دى وده الهدف في رأيى ونفسى جائزة إنجاز العمر اللى أخدتها نيللى تكون أكثر من واحدة لأن الكبير في السن يحتاج لهذا التقدير.
تم أضافة تعليقك سوف يظهر بعد المراجعة