حرص عدد كبير من المصريين من كافة محافظات الجمهورية، على توجيه التهنئة للرئيس عبد الفتاح السيسى، رئيس الجمهورية، بمناسبة ذكرى ميلاده، ليبدأ عام جديد من الإنجازات والمضى قدما فى بناء الجمهورية الجديدة، معبرين عن حبهم له لاهتمامه بالإنسان المصرى وصحة المصريين، والارتقاء بحياتهم وإشعارهم بالأمن والأمان.
وهنأ عدد كبير من أهالى الجمالية الرئيس عبد الفتاح السيسى بمناسبة ذكرى ميلاده، وجاءت تهنئة الأهالى كالأتى:" كل سنة وأنت طيب ياريس وتشوف مصر أحسن بلد فى الدنيا، خلى الشعب المصرى كله فى أمان، كل سنة وحضرته طيب يا ريس وتظل أب لينا كلنا، كل سنة وأنت طيب ياريسنا".
كما توجه مواطنو الاسكندرية بالتهانى للقائد العظيم، الذين عبروا عن حبهم له لاهتمامه بالإنسان المصرى وصحة المصريين، والارتقاء بحياتهم، وقال عدد من مواطنى الإسكندرية: كل سنة وأنت طيب، وربنا يخليك لمصر، وعقبال 100 سنة، ودايما فى تطور، ومن نجاح لنجاح، ربنا يخليك لينا، ودايما فى تطور وشكرا على الانجازات اللى بتقدمها لشعب مصر.
وأضاف عدد من مواطنى الإسكندرية:" الرئيس السيسى وش السعد على البلد، بتقدم كل خير وكل ما فى استطاعتك حضرتك وكل السادة المسئولين بتقدموا كل الخير للبلد، الرئيس السيسي بيعمل كل حاجة حلوة لمصر، هتفضل موجودة على طول، بيعمل بصمة في بلده، كل حاجة اتغيرت للأحسن، ربنا يخليك لشعب مصر، الرئيس السيسى راجل محترم ومتواضع وبيقدم إنجازات للبلد لم نراها من قبل، يوجد تطور في كل حاجة وكل يوم للأحسن فى عهده، تابعنا العديد من التطورات، ربنا يخليك لمصر، وميحرمناش منك وربنا يخليك لينا.. بنحبك ياريس".
فيما عبر مواطنو قنا عن حبهم للرئيس السيسى لاهتمامه بالإنسان المصرى وصحة المصريين، والارتقاء بحياتهم، وقال مواطن قناوى:" كل سنة وحضرتك درع وسيف للغلابة، أنا ابنك يا ريس، وبيقول لك كل سنة وانت طيب وصحة وسعادة وراحة بال، كل عام وحضرتك بألف خير وصحة وسلامة، شكراً ليك يا ريس على الحياة الكريمة، والأمن والأمان، شكرا على مشروعات الطرق والكبارى التى سهلت الانتقال من مكان لآخر، شكرا على المواصلات التى سهلت نقل البضائع لأى شبر على أرض مصر".
وتوجه مواطنو البحيرة بالتهانى للقائد العظيم، وعبروا عن حبهم له لاهتمامه بالإنسان المصرى وصحة المصريين، والارتقاء بحياتهم.
وقال عدد من مواطنى البحيرة، كل سنة وانت طيب يا ريس، فى عيد ميلادك كلنا معاك وكلنا وراك يا زعيم الأمة العربية، رجّع لمصر عزتها وكرامتها، مصر وصلت لأعلى مكانة، دلوقتى كله بيتحاكى بيها وفعلا مصر أم الدنيا و أد الدنيا.. كل سنة وحضرتك سعيد ودايما فى تقدم ودايما مهتم برفعة الشعب المصرى، نهنئ الرئيس رائد التقدم والتنمية فى مصر، كل سنة وانت معيشنا فى أحسن عصر، الرئيس السيسى والدنا وداعم الشباب، كل سنة وانت معانا ودايما فخر لينا وسند لينا وللشباب وللأمة العربية.
وأضاف عدد من مواطنى البحيرة: كل سنة وأنت رافع راية مصر عالية فوق، كل سنة ومصر معاك فى أعلى مكان فى العالم كله، كل سنة وانت معيشنا فى فخر وسعادة وفى هنا وكل حاجة حلوة، شكرا علشان حسستنا بقيمتنا ودايما محسسنا إن معانا أب بجد مسئول عننا رفع راسنا فى العالم، كل سنة وحضرتك فى سعادة وهنا ودايما رافعين راسنا بوجودك، ربنا يخليك لينا يا ريس.
وتوجه مواطنو أسيوط بالتهانى للرئيس السيسى ، وقالت سيدة أسيوطية:" عقبال مليون سنة يا ريس، لو قعدنا نشكر من هنا لحد آخر العمر مش هيكفى يا ريس، بسبب الأمن والأمان اللى بنعيش فيه، والاستقرار اللى احنا فيه، شكرا على العاصمة الإدارية والكبارى والطرق والتأمين الصحى وتكافل وكرامة، شكرا على كل حاجة، شكرا علشان رجعت اسم مصر تانى، شكرا على وجودك معانا، عقبال مليون سنة يارب فى صحة وعافية وبركة".
وتابع محمد الببلاوى:" كل سنة وحضرتك طيب يا ريس، ننتهز الفرصة لنعبر لسيادتك عن حبنا، وتقديرنا لكل الإنجازات التى تمت فى مصر، ومنها محور ديروط اللى بيربط الصحراوى الشرقى بالغربى، وحياة كريمة فى صعيد مصر، كل سنة وحضرتك طيب يا ريس".
وأردفت رشا هادى: "كل سنة وحضرتك طيب، كل سنة بيك ومعاك محققين كل أحلامنا، كل سنة ومصر معاك فى أمن وأمان واستقرار وازدهار، كل الشكر لمعاليك على المشروعات العظيمة اللى قدمتها لصعيد مصر وعلى رأسهم مشروع حياة كريمة، وتطوير الريف المصرى، ومشروع محور كوبرى ديروط الرائع العظيم، كل الشكر لاهتمامك بالمرأة المصرية، خاصة فى الصعيد، شكرا على مشروع 100 مليون صحة، والاهتمام بصحة كل الشعب المصرى، وبنقول لك كل سنة وحضرتك بألف خير وصحة وسلام".
فيما، قال مواطن فى أسيوط:" كل عام وانتم بخير، كل عام وانت حامى مصر وبانيها، وبهذه المناسبة نتقدم لسيادتكم بكل الشكر والتقدير على مبادرة حياة كريمة فى ساحل سليم التى أعادت الروح لبلدنا التى رسمت السعادة على وجوه أبناء الريف المصرى".
وأضاف محمد على أمين - عامل بمسجد ومن ذوى الهمم: "نشكر الرئيس عبدالفتاح السيسى فى يوم عيد ميلاده لأننا نعيش فى أمن وأمان، والمشاريع اللى بيعملها فى مصر مثل مشروع تبطين الترع والصرف الصحى والغاز الطبيعى تؤكد على اهتمامه بنا، نقول له ربنا يحميك للبلد وتحيا مصر".
فيما أكد زين عبدالحكم، مدرس بمدرسة الصم والبكم: "أقول للرئيس عبد الفتاح السيسى رئيس جمهورية مصر العربية كل سنة وانت طيب بمناسبة عيد ميلاد حضرتك، وكل سنة وانت بخير، وكل سنة وانت بصحة جيدة وفى أحسن حال، واحنا بنهنى السيد الرئيس فى عيد ميلاده، ولا ننسى المشروعات الواقعية الملموسة التى نفذها بداية من 100 مليون صحة، والقضاء على فيروس سى، ومشروع تكافل وكرامة اللى استفاد منه الأهالى فى القرى والمدن، ومشروعات رصف الطرق، والمشروع القومى لتبطين الترع، وحياة كريمة، علشان كده بنقول للرئيس عبدالفتاح السيسى كل سنة وحضرتك طيب بمناسبة عيد ميلادك".
كما توجه مواطنو الأقصر بالتهانى للقائد العظيم، الذين عبروا عن حبهم له لاهتمامه بالإنسان المصرى وصحة المصريين، والارتقاء بحياتهم، وقال مواطن أقصرى: أنا ابنك يا ريس، وبقول لك كل سنة وأنت طيب وصحة وسعادة وراحة بال، كل عام وحضرتك بألف خير وصحة وسلامة، شكراً ليك يا ريس على الحياة الكريمة، والأمن والأمان، شكرا على مشروعات الطرق والكبارى التى سهلت الانتقال من مكان لآخر، شكرا على المواصلات التى سهلت نقل البضائع لأى شبر على أرض مصر.
وهنأ مواطنو بنى سويف الرئيس السيسى بعيد ميلاده، وقال عدد من المواطنين بمحافظة بنى سويف: كل سنة وأنت طيب يا ريس، الأب الروحى الذى أعاد الحياة للمواطن المصرى بحياة كريمة، شكرا على حياة كريمة، ويا رب يرزقك دايما الصحة ودايما فى أحسن حال، اليوم عيد ميلادك هو عيد ميلاد لكل المصريين والوطن العربى، نشكر ونُحيى رئيس الجمهورية، وإحنا فخورين بحضرتك، مصر تقدمت خلال الفترة الماضية فى ملفات كثيرة كلنا شعرنا بها.
تم أضافة تعليقك سوف يظهر بعد المراجعة