يرى مصطفى عبده، نجم النادى الأهلى السابق، أن كرة القدم المصرية تعيش فترة متراجعة رغم نهضة الدولة المصرية في مختلف المجالات، وقال مصطفى عبده، عبر برنامجه على شاشة الأهلى "المجرى": مصر طالعة زي الصاروخ لكن كرة القدم راجعة بضهرها، بص للدول اللي جنبك، كرة القدم بقت صناعة، لكننا في مصر رئيس الاتحاد -أي اتحاد- يبحث عن "هو هياخد ايه مش هيدي ايه".
وأضاف: غير متفائل برابطة الأندية، قبل ما تفكروا في الرابطة فكروا في إن كل الأندية تكون لديها شركات لإدارة كرة القدم، لكى تكون رابطة للأندية المحترفة، يجب أن يديرها ناس متخصصة وعلى قدر عال من الكفاءة.
وتابع: إحنا شغالين "بالفهلوة" في الكرة المصرية، شوقي غريب وأحمد مجاهد حبايبي، لكن الصح بقول عليه صح والغلط بقول عليه غلط، بتقول أنت بتوفر مرتب شهرين، وبتصرف مرتب سنة؟ وبعدين هو مصر مفيهاش مدربين؟ ده تفكير بليد.
تم أضافة تعليقك سوف يظهر بعد المراجعة