تعرضت الفنانة سارة نخلة، لعضة كلب، دخلت على إثرها إلى إحدى المستشفيات الخاصة لتلقي العلاج، لتتفاجئ بعدم وجود علاج فى المستشفيات الخاصة وتحويلها لمستشفي حكومي.
وكتبت نخلة بوست عبر حسابها الشخصي بموقع فيس بوك، تسرد من خلالها كواليس تلقيها للعلاج فى إحدى المستشفيات الحكومية، وقالت نخلة فى البوست، "الصبح عضني كلب، المهم روحت مستشفى خاص قالولي مش موجودة الحقنة ولازم اروح مستشفى حكومي، وبعدها روحت مستشفى زايد التخصصي، دخلت أقسم بالله خمس دقائق طوارئ، ادوني الحقنة و فاضل لسه أربعة وادوني ورقة فيها مواعيد الحقن الباقية".
وأضافت نخلة فى البوست، "ولا مليم ولا مليم يا جماعة ومستشفى محترمة ودكاترة عارفين ربنا بجد، ولا يعرفوني أصلا عشان ماحدش يقولي عشان انتي ممثلة وكنت حاطة كمامة طول الوقت أصلا، انا بس عايزة أقول تحيا مصر ألف مرة ألف مرة، أقسم بالله لو اي بلد تاني زماني كنت مسعورة وراقدة جنب الكلب بهوهو وبتعشى معاه دراي فود".
تم أضافة تعليقك سوف يظهر بعد المراجعة