أم لـ4 شباب لا تعرف المستحيل، سعت لتحقيق حلمها باستكمال تعليمها حتى تخرجت من كلية الحقوق جامعة الإسكندرية، قصة كفاحها جاءت فى منشور لابنها آثار ضجة كبيرة واحتفاء على موقع التواصل فيس بوك وتفاعل معه عشرات الآلاف من رواد السوشيال ميديا، حيث أعرب الابن خلال المنشور عن فخره بالأم ومواجهتها التحديات بعد أن تركها والده.
الشاب محمد مرزوق نشر صور والدته من حفل التخرج قائلا: "ماما اتخرجت من كلية حقوق إسكندرية بتقدير عالى كانت مكملتش تعليمها عشان تتجوز وهى عندها 18 سنة وجابت 4 أولاد.. وبعد طلاقها من بابا من 10 سنين جالها اكتئاب اقترحنا عليها أنا وإخواتى إنها تكمل تعليمها، أخدت القرار ده ودخلت الثانوية وبعدها كلية الحقوق".
وأضاف: "كانت بتحضر المحاضرات وتذاكر لحد ما جه اليوم اللى تتخرج فيه إحنا بجد فخورين بيكى يا أمى فعلا، علمتينا يعنى إيه مفيش حاجة مستحيل.. عقبال ما نشوفك أحسن محامية فى مصر.. مبروك يا أمى".
تم أضافة تعليقك سوف يظهر بعد المراجعة