"الطبلة بقيت جزء من شخصيتى ومقدرش خالص استغنى عنها وخطيبي بيشجعنى علي انى أكمل مشواري معاه ونطبل مع بعض دايما حتي بعد ما نتجوز " هكذا بدأت علا محمود تروى لـ" اليوم السابع" حكايتها مع الطبلة.
وقالت علا "أنا بحب الفن جدا ومجنونة بالطبلة، واتعرفت على خطيبي خلال حفلة كنت وقتها بطبل، وهو كمان وتحدثنا سويا في البداية كأصدقاء وتوطدت علاقتنا، وحدث بنا إعجاب من الطرفين وبعدها اتخطبنا" .
وأضافت علا "الناس في الشارع بتكون مستغربة أن انا بنت وماسكة طبلة وبطبل لكن أنا مش بتأثر بكلامهم وتعليقاتهم عشان مبعملش حاجة غلط وهكمل في الطبلة" .
وقال عزت بسيونى "أنا دايما بشجع علا خطيبتى وبكون فرحان بها جدا لما بتعلم حاجة جديدة على الطبلة، عشان دا فن وموهبة مش حاجة عيب"
تفاصيل حكاية علا وعزت في التقرير التالى
