هانى مهنا لـ تليفزيون اليوم السابع: حسنى مبارك قال لى "بتتحدانى يا هانى؟"

أكد الموسيقار هاني مهنا، أنه تزوج 3 مرات، الأولى بلبنانية ثم سميرة سعيدة والزوجة الأخيرة فرنسية الجنسية، مضيفًا: "حسنى مبارك بعدها قابلني وقال لى إيه ياعم هاني.. عمال تتجوز في أجانب وياخدوا جنسية، وإحنا بنقول إن التعداد السكاني بيزيد.. أنت بتتحداني ولا إيه؟.. فقلت له مش بتجوز مصرية عشان الخلافات.. لكن الأجنبية لما تلم الشنط وتحجز الطيارة بنكون خلاص أتصالحنا".

وأضاف "مهنا"، خلال حواره على تليفزيون اليوم السابع: "تزوجت صغير عشان احترفت الفن بدري، وكنت باخد مرتب كويس وأنا في تانية ثانوى، واشتغلت في مسرح منوعات، وكنت باخد 45 جنيها في الشهر.. وناظر مدرستي كان بياخد 13 جنيها".

وتابع: "كان شغال معايا محمود شكوكو وعبد المطلب وعمر الجيزاوي في برنامج 10 فقرات كل يوم، والفلوس كانت بتجري في إيدي، والزواجة الأولى استمرت 21 عامًا، وبعدها جاءت سميرة سعيد".