أحالت النيابة العامة، مواطن أمريكي إلي محكمة الجنايات، لاتهامه بالشروع في قتل سودانيتين الجنسية وتعاطي المواد المخدرة.
وكشف قرار الاتهام، أنه جاء بمحضر التحريات، أنه تبلغ من غرفة عمليات النجدة بوجود بلاغ تعدي وشخص مصاب بفيلا بمنطقة التجمع الخامس، وبالانتقال والفحص تبين وجود مصابة تدعي جين جون 33 سنة سودانية الجنسية، ومقيمة بمحل البلاغ، وذلك على إثر حدوث مشاجرة مع "دارن اسکوت" أمريكي الجنسية، وبالتقابل مع شقيقة المصابة وتدعي "استلا اركان جون" أفادت بقيام المتهم بالتعدي علي المصابة بالضرب، وإحداث إصابتها عن طريق قوس ورمح، وذلك لغيابه عن الوعي وتناول المواد الكحولية، وبإجراء المعاينة محل البلاغ، تلاحظ وجود قوس وسهم ملقي علي الأرض ووجود دماء حولها ووجود خنجر علي السرير.
وبسؤال المدعو دارن سكوت في تحقيقات النيابة العامة قال "إن اللي حصل إن أنا اتعرفت على جين جون في بار فندق، في شهر ديسمبر قعدنا اتكلمنا مع بعض وعزمتها على مشاريب في البار وقالت لي انها بتيجي الفندق، عشان تشوف زبائن واتفقت معاها في اليوم ده إنها تيجي معايا الفندق، عشان إقامة علاقة جنسية، واتفقنا علي مبلغ 500 جنيه هتاخدهم مني، وفعلا أنا أقمت معاها علاقة جنسية من ساعة ما اتعرفت عليها، لحد المشكلة دي حوالي 12 مرة، وكانت دايما بتبات معايا يومين أو ثلاثة وترجع بيتها في المعادي، وترجع تبات معايا تاني".
وأضاف: "من أسبوعين هي عرفتني علي "استيلا" ومارست معهما هما الاثنين الجنس ساعتها وستيلا أخدت 500 جنيه ساعتها وامبارح كنا متفقين إن إحنا هنمارس الجنس مع بعض، وفعلا جین حضرت المنزل الساعة 7 بالليل، واستيلا جت وسهرنا مع بعض، وشربنا خمرة وشيشة، وكنا بنتفرج علي فيديوهات في التليفزيون، وبعد الساعة 11 بالليل قررنا نمارس جنس مع بعض، وإحنا داخلين غرفة النوم هما قالولي إن هما عاوزين يزودوا الفلوس شوية، وكل واحدة فيهم تاخد ألف جنيه، وأنا رفضت وساعتها "جين" اخدت سكينة صغيرة من علي كمودينو في مدخل غرفة النوم وخربشت بيها في إيدي الاثنين، وساعتها أنا أخدت سهم من غرفة الملابس وخبطها بيه خبطة متوسطة، وهو ده اللي عمل إصابتها وساعتها هي صرخت وستيلا ساعتها مسكت السكينة عشان كانت خايفة، وقعدت تهوشلي بيها وساعتها أنا كنت بھوش بسهم تاني، غير اللي ضربت به جين وده سببلها جرح في إيدها الشمال، وبعدين هما قعدوا يصرخوا وأنا كنت ساعتها سكران وزقتهم وجريت وركبت عربيتي وفؤجت إن البوليس بيوقفني وخدوني علي قسم التجمع الخامس".
تم أضافة تعليقك سوف يظهر بعد المراجعة